د صرافانو اتحادیه: افغانۍ د باثباته پولي واحدونو په کتار کې درېیم ځای خپل کړی
د شهزاده سرای د صرافانو اتحادیه وایي چې په نړۍواله درجهبندۍ کې افغانۍ د باثباته کرنسیو په کتار کې درېیم ځای خپل کړی دی.
سوداګري او اقتصاد
راپورونه
ازبکستان د منځنۍ اسیا هېوادونو ته د افغانستان د تازه مېوې صادراتو لپاره زمینه برابروي
د ازبکستان لومړي وزیر ویلي، تاشکند له کابل سره د سوداګریزو او ترانزیټي اړیکو پراخولو په موخه چمتو دی چې د دغه هېواد له لارې د منځنۍ اسیا هېوادونو ته د افغانستان د تازه مېوې صادراتو لپاره هر ډول اسانتیاوې برابرې کړي.
اذربایجان له افغانستان سره د سوداګرۍ کچه لوړوي
د اذربایجان د لومړي وزیر مرستیال ویلي چې هېواد یې چمتو دی له افغانستان او سیمې له هېوادونو سره د خپلو سوداګریزو اړیکو پراخولو په موخه د لاجوردو لاره بېرته فعاله کړي.
«يواېنډيپي په افغانستان کې د ګټورو اقتصادي پروژو پلې کولو ژمنه وکړه»
د ماليې وزارت وایي، د دغه وزارت سرپرست د «يواېنډيپي» له مشره وغوښتل چې په افغانستان کې سترې پراختیایي پروژې پيل کړي او هغه هم ژمنه وکړه، هڅه کوي له یاد وزارت سره په همغږي ګټورې اقتصادي پروژې پلې کړي.
ملا برادر: د ترمذ نړۍوال سوداګریز مرکز د کابل او تاشکند ترمنځ د همکارۍ نوی فصل دی
د افغانستان د ریاستالوزراء اقتصادي مرستیال، د ترمذ نړۍوال سوداګریز مرکز په پرانیستغونډه کې ویلي چې دغه مرکز د کابل او تاشکند ترمنځ د همکاریو نوی فصل دی او ورسره به په دواړو هېوادونو کې د پانګونې فرصتونه، سوداګریزې اړیکې او کاري فرصتونه لا زیات شي.
د پېښور – تورخم لارې تړل کېدل؛ افغان سوداګر د میلیونونه ډالرو له زیان سره مخ دي
اسلاماباد کې د افغانستان سفارت وايي، د پېښور - تورخم لار له څه باندې یوې اونۍ راهیسې د «یو شمېر محدودو خلکو» له لوري بنده او شاوخوا دوه زره لارۍ درول شوې چې له امله یې افغان سوداګرو ته میلیونونه ډالر زیان اوړي.
د اوبو او برېښنا وزارت د ننګرهار د کانالونو ساتنې او مراقبت برخه کې هوکړهلیک لاسلیک کړ
د اوبو او برېښنا وزارت وایي، له یوې جاپانۍ موسسې سره یې د ۷۱۰ زره ډالرو په ارزښت هوکړهلیک لاسلیک کړی چې له مخې به یې ننګرهار ولایت کې د اوبو لګولو کانالونو د ۱۱ پروژو ساتنه او مراقبت ترسره شي.
پکتیا کې د کورنیو صنعتي توکو او کرنیزو محصولاتو نندارتون جوړ شو
د پکتيا ولايت مرکز ګردېز کې د افغان توليد تر نامه لاندې د کورنیو صنعتي توکو او کرنیزو محصولاتو دری ورځنی نندارتون جوړ شو.
کارګو او پوستي خدماتي شرکتونو ته د انتقالي توکو اندازه وټاکل شوه
د اقتصادي کمېسیون تخنیکي کمېټې د تازه پرېکړې له مخې، کارګو شرکتونه له ۴۶ کیلوګرامه کم او پوستي خدماتي شرکتونه له ۴۶ کیلوګرامه ډېر توکي نه شي انتقالولی.
«خوست ښار کې ځیني پخواني مارکېټونه د نړېدو له ګواښ سره مخ دي»
د خوست ښار يو شمېر اوسېدونکي وايي، په دغه ښار کې ځيني پخواني مارکېټونه او ودانۍ د نړېدو له ګواښ سره مخ دي چې باید د مخنیوي لپاره یې اقدام وشي.
دایکنډي کې یوازینی «برک» ګنډونکی: هیله لرم چې له ما وروسته هم دغه صنعت ژوندی پاتې شي
د دایکنډي د میرامور ولسوالۍ د رباط سیمې په یوه لرې غزنۍ سیمه کې یو سپینږیری چې د خپل عمر ډېر کلونه یې د «برکګنډلو» په صنعت کې تېر کړي، وايي، په دې وروستیو کې یې کاروبار غوړېدلی دی.
د افغانستان بانک سبا ۱۵ میلیونه امریکايي ډالر لیلاموي
د افغانستان بانک وایي چې سبا (دوشنبه) د دواطلبۍ له لارې ۱۵ میلیونه امریکایي ډالر لیلاموي.
«د افغانستان بانک به په تدریجي ډول د هېواد بانکي سکټور پر اسلامي بانکوالۍ بدل کړي»
د افغانستان بانک لومړي مرستیال د افغانستان او امریکا د سوداګرۍ خونې له رییس سره د خصوصي سکټور د پیاوړتیا، د سوداګرۍ د ودې او د بانکي سکټور د ټینګښت برخو کې د ګډو همکاریو په اړه خبرې کړې دي.
د بامیان په «قشقه» دښته کې صنعتي پارک جوړېږي
د صنعت او سوداګرۍ وزارت سرپرست، بامیان ته د خپل سفر په ترڅ کې اړوند مسوولینو ته لارښوونه کړې چې د دغه ولایت په «قشقه» دښته کې د صنعتي پارک د جوړېدو موضوع تعقیب کړي.
«جوزجان کې د غالۍ اوبدنې کارخونو کې ۱۳۰ زره کسانو ته په مستقیم او غیرمستقیم ډول د کار زمینه برابره شوې»
د جوزجان د صنعت او سوداګرۍ رییس په دغه ولایت کې د غالۍ اوبدلو په ۸۰ کارخونو کې ۱۳۰ زره کسانو ته په مستقیم او غیرمستقیم ډول د کار زمینې برابرولو خبر ورکوي، وایې چې د جوزجان په اقچه ولسوالۍ کې د تولید شوو غالیو پلور په نړۍوالو بازارونو کې ډېر شوی دی.
کابل ښار کې د ځینو لومړنیو توکو بیې لوړې شوې دي
نن کابل ښار کې د تېرې شنبې په پرتله د قزاقي اوړو، پټرول او ډیزل تېلو او عربي سرو زرو بیې لوړې شوې دي خو د هندي بورې او روسي سرو زرو بیې ټیټې شوې دي.
د ترانسپورټ وزارت: د افغانستان له فضا څخه د عبوري الوتنو په شمېر کې زیاتوالی راغلی
د ترانسپورټ او هوایي چلند وزارت وایي چې پخوا په هرو ۲۴ ساعتونو کې د افغانستان له فضا تر ۱۱۰ پورې عبوري الوتنې ترسره کېدې، خو اوس یې شمېر ۲۶۰ ته رسېدلی دی.
افغان او ترکي شرکتونو افغانستان کې د برېښنا تولید برخه کې پانګهونې ته لېوالتیا ښودلې
د اوبو او برېښنا وزارت وایي، دوو افغان او ترکي شرکتونو له بېلابېلو سرچینو څخه د ۹۰۰ مېګاواټه برېښنا د تولید په پروژو کې پانګهونې ته لېوالتیا ښودلې ده.
کابل کې «د افغانستان اقتصادي پرمختګونه او بریا» په نوم ملي نندارتون پرانیستل شو
په کابل کې «د افغانستان پرمختګونه او بریا» په نوم څلور ورځنی ملي نندارتون پرانیستل شو چې په کې بېلابېل افغاني تولیدات او محصولات نندارې ته اېښودل شوي دي.
افغان او ترکمن چارواکو د ټاپي نللیکې، ټاپ او تورغنډۍ رېل پټلۍ له پروژو لیدنه کړې
د بهرنیو چارو وزارت وایي، افغان او ترکمن چارواکو د هرات ولایت په تورغنډۍ کې د اوسپنې پټلۍ له سټېشن، له ټاپي نلليکې او د ټاپ د برېښنا له لویو پروژو څخه لیدنه وکړه او د ټاپي نلليکې د کار عملي پيل لپاره يې د دواړو خواوو چمتووالي وارزول.
د ملي تدارکاتو کمېسیون د شاوخوا پنځه میلیارد افغانیو په ارزښت ۳۱ بېلابېلې پروژې منظور کړې
د ریاستالوزراء اقتصادي معاونیت وایي، د ملي تدارکاتو کمېسیون له لوري د شاوخوا پنځه میلیارد افغانیو په ارزښت ۳۱ بېلابېلې پروژې منظور شوې.
متقي له خپل ترکمنستاني سیال سره د لیدنې په موخه هرات ته ولاړ
د افغانستان بهرنیو چارو وزارت سرپرست امیرخان متقي هرات ته ولاړ او ټاکل شوې چې د دغه ولایت په تورغونډۍ بندر کې له خپل ترکمنستاني سیال سره د ټاپي، اوسپنې پټلۍ او نوري فایبر پروژو په اړه خبرې وکړي.
«د پیسو مینځلو او له جرایمو راپیدا کېدونکو عوایدو مخنیوی د هېواد په ثبات او پرمختګ کې مرسته کوي»
د افغانستان بانک سرپرست وایي، د پیسو مینځل او له جرایمو راپیداکېدونکي عواید نه یوازې د یوه هېواد اقتصادي او مالي سیسټمونه کمزوري کوي، بلکې د جرمي فعالیتونو د پیاوړتیا او پراخېدو لامل هم کېږي.
ننګرهار کې غالۍاوبدونکي خپلو تولیداتو ته د نړۍوال بازار غوښتنه کوي
د ننګرهار په مرکز جلالاباد ښار کې غالۍاوبدونکي وايي چې غالۍ اوبدنې په دغه ولایت کې ښه وده کړې خو نړۍوال بازار نه لري.
