فيچرونه

د بغلان په مرکز پلخمري ښار کې یو شمېر حلبي‌سازان وایي، د پخوا په پرتله یې کاروبار ښه شوی خو هېواد ته دې د هغو توکو پر وارداتو بندیز ولګول شي چې دوی یې تولیدوي.

کابل ښار کې د نازنین کوهستاني په نوم یوې ښوونکې چې د خپل ژوند ۳۳ کاله یې نجونو ته په تدریس کې تېر کړي، اوس یې په خپل کور کې ۱۵۰ نجونو ته په وړیا ډول له شپږم د پورته ټولګیو مضمونونو د زده‌کړې زمینه برابره کړې ده.

د افغانستان په ځینو سیمو کې په هوایي ډزو د نجلۍ په نوم کول د ښځو پر وړاندې د تاوتریخوالي هغه بڼه ده چې له امله یې کورنۍ په دښمنیو اوړي او پېغله د پلار کره سر سپینولو ته اړ باسي، خو چارواکي وایي، یوازې په خوست کې یې ۱۱ دغه ډول پېښې ثبت کړې او په ټینګه یې مخه نیسي.

۷۳ کلنه بي‌بي‌کو هغه دردېدلې مېرمن چې په هېواد کې د څلورو لسیزو جګړو له امله یې ډېرې ناخوالې لیدلې دي؛ د خاوند له نادرکۍ او د یوازېني زوی له معلولیت وروسته یې په یوازې ځان د ژوند سختیو او کړاوونو ته اوږه ورکړې او اوس هم له رواني ستونزو کړېږي.

د ښوونځي اووم ټولګی یې پای ته نه و رسولی، لا یې هم ماشومانه هیلې یې درلودې او د کتابونو پاڼو کې یې خپل کوچني او لوی خوبونه لټول، خو پخواني رواجونو یې کتابونه وتړل، قلم یې ترې واخیست، په داسې یوه حالت کې یې پرېښوده چې د انتخاب هيڅ حق یې نه‌ درلود.

د کونړ د یو شمېر لرې‌پرتو سیمو اوسېدونکي شکایت کوي چې د منځنیو ښوونځیو او لېسو کمښت له امله یې د ماشومانو زده‌کړې نیمګړې پاتې کېږي.

د دایکنډي اوسېدونکي د دغه ولایت په یو شمېر سیمو کې ‎د څښاک اوبو ته پر نه لاسرسي ادېښنه څرګندوي او وايي، دغې ستونزې یې ژوند له ستونزو سره مخ کړی او یو شمېر کورنۍ د اوبو نشتوالي له امله ان د خپلو مېنو پرېښودو ته اړې شوې دي.

یو شمېر افغان نجونې وايي چې له شپږم ټولګي پورته د زده‌کړو له ځنډېدو وروسته بېکاره نه ‌دي کښېناستلې او خپلو هيلو ته د رسېدو لپاره یې د زده‌کړو نوي فرصتونه انتخاب کړي دي.

د لغمان بادپښ ولسوالۍ کې سلګونه کورنۍ خپلو سیمو کې د څښاک پاکو اوبو ته لاسرسی نه‌لري او د غره په لمنو کې د چینې اوبو پسې یو ساعت پلی مزل کوي.

د سمنګان یو شمېر اوسېدونکي وروسته له هغه چې د دغه ولایت په مرکز ایبک ښار کې د چرګ غوښې پلورنځي وتړل شول، د دې غوښې بیې له لوړېدو شکایت کوي او وايي چې د پېرلو توان یې نه لري.

د بغلان یو شمېر اوسېدونکي وايي، د دغه ولایت په مرکز پلخمري کې دې د سل‌بستریز روغتون جوړولو چارې چې له تېرو شپږو کلونو راهیسې ولاړې دي، بېرته پیل شي.

د کابل امنیه قومانداني وايي، په کابل ښار کې یې شاوخوا ۸۵ زره امنیتي کامرې لګولې چې د جرمونو د مخنیوي او امنیت ټینګښت برخو کې ترې ګټه اخلي؛ ښاریان بیا که څه هم دغه کار ستايي خو وايي چې د خلکو خصوصي حریم باید خوندي وي.