روغتیا

د نسايي ولادي ناروغيو متخصصين وايي چې د ميندوارۍ پر مهال پر خپل ‌سر د درملو خوړل د جنین د له منځه تلو، مخکې له وخته د زېږون او په ماشومانو کې د سو‌ء‌شکل لامل کېږي.

د ننګرهار ولایت د عامې روغتیا ریاست له لوري په جلال‌اباد ښار کې د يوې پاکستانۍ ډاکټرې شخصي کتنځای د قانوني اسنادو نه لرلو له امله تړل شوی دی.

د کورنیو چارو وزارت د نشه‌يي توکو پر وړاندې د مبارزې معینیت وايي چې تېرو درېیو کلونو کې د افغانستان په کچه د ۱۲۲ زره روږدو درملنه شوې او د نشه‌یي توکو د پروسس ۱۳۵۰ کارخونې له منځه وړل شوې دي.

د افغاني سرې میاشتې ټولنه وايي چې د سوري زړه پر ناروغۍ اخته ۲۰ ماشومان یې د درملنې په موخه کابل ښار کې پنځو روغتونونو ته ورپېژندلي دي.

ننګرهار کې د روږدو درملنې ۱۵۰ بستريز روغتون مسوولین وايي، د ناروغانو او مراجعينو شمېر ډېروالي ته په کتو دې د دغه روغتون د بسترونو شمېر ۳۰۰ ته لوړ شي.

د افغانستان د عامې روغتیا وزارت وايي چې نن د هېواد په پنځو ولایتونو کې د ماشومانو د پولیو یا ګوزڼ ضد واکسین څلور ورځنی کمپاین پیل شو.

له پولیو د پاک افغانستان په نوم یوه بنسټ ویلي چې ټاکل شوې د راتلونکې شنبې ورځ په یو شمېر ولایتونو کې د ګوزڼ واکسین د تطبیق کمپاین پیل شي.

د هرات حوزوي روغتون مسوولین وایي چې د دغه روغتون د مراجعینو په شمېر کې د پام وړ ډېروالی راغلی خو د بودجې کمښت له امله د پراختیا او غوره خدماتو وړاندې کولو برخو کې له ستونزو سره مخ دي.

اروزګان کې د ماشومانو د ملاتړ صندوق (یونسیف) استازي وايي، د روان میلادي کال په تېرو اوو میاشتو کې د دغه ولایت په روغتیایي مرکزونو کې د ثبت شوو خوارځواکو ماشومانو شمېر ۱۲ زره ۶۳۰ ته رسېدلی او ښايي د کال تر وروستیو دغه پېښې دوه برابره شي.

د عامې روغتیا وزارت له لوري د کونړ د مرکز او دوو ولسوالیو په روغتیایي مرکزونو کې د څه باندې دوه میلیون افغانیو په لګښت د نري‌رنځ ناروغۍ د تشخیص څانګې فعالې شوې دي.

په نیمروز کې د اعصابو یو متخصص د اعصاب اراموونکو درملو له حده ډېره استفاده پر دغو درملو د روږدي کېدو لامل ګڼي او سپارښتنه کوي چې دغه درمل دې په دوامداره ډول نه کارول کېږي.

په غزني ولایت کې له میندو او ماشومانو د ملاتړ په موخه د مور له شیدو د تغذیې نړۍواله اونۍ ونمانځل شوه.