د افغانستان د کډوالو او راستنېدونکو چارو وزارت په اسلاماباد کې د کډوالو اتشې ته ویلي چې که په پاکستان کې د افغان بندیانو د بند موده پوره وي، خو د نغدي جریمې او یا کرایې نه لرلو له امله بند پاتې وي، سملاسي دې د جریمې پیسې ادا او د ټرانسپورټ زمینه دې ورته برابره کړي.
په اسلاماباد کې د افغانستان سفارت وایي، د پاکستاني ادارو او چارواکو له ژمنو سره سره لا هم په پاکستان کې د ښځو او ماشومانو په ګډون نیول شوي افغانان له بنده نه دي ازاد شوي.
د افغانستان د کډوالو او بېرته راستنېدونکو چارو وزارت وایي، په ایران کې د افغان کډوالو ستونزو د حل په موخه به د دواړو هېوادونو ترمنځ دوه اړخیزه تخنیکي کمېټه جوړه شي.
د کډوالو چارو سرپرست وزير له کاونډیو هېوادونو غوښتنه وکړه چې په زور د افغانانو له ايستلو ډډه وکړي او هم دې له اصولو سره سم حقوق ورکړي.
د ملګرو ملتونو د بشري مرستو همغږۍ ادارې (اوچا) د کډوالۍ نړۍوالې ورځې په مناسبت ویلي، زرګونه افغانان د خوندیتوب او ښه ژوند په لټه ګاونډیو هېوادونو ته کډه کوي.
په اسلاماباد کې د افغانستان سفارت وایي، په درېېو میاشتو کې په پاکستان کې له ۲۰۰۰ افغان بندیانو ۵۰۰ یې خوشي شوي او پاکستاني چارواکو ډاډ ورکړی چې تر درېیو اونیو به د افغان کډوالو نیول کېدو برخه کې شته ستونزې هوارې کړي.
د بښنې نړۍوال سازمان، په پاکستان کې د افغان کډوالو وضعیت اندېښمن کړی، له دغه هېواده غواړي چې افغان کډوالو ته د ویزې مقررات چمتو کړي تر څو زدهکړو، کار او نورو اړینو خدماتو ته لاسرسی ولري.
سپینه ماڼۍ وایي، د ولسمشر جو بایډن حکومت د افغانانو د مېشتولو طرحې کلکه ننګه کوي او له کانګرېسه یې وغوښتل چې دا طرحه تصویب کړي. په امریکا کې د نوو راغلو لسګونه زره افغانانو…
افغانستان لپاره د امریکا د پخوانیو سفیرانو یوې ډلې په یوه لیک کې د امریکا له قانونجوړوونکو غوښتي چې د تازه ورغلو افغانانو د مېشتېدو طرحه باید د امریکا د راتلونکي کال په بودیجه کې شامله شي.
د قطر له نظامي کمپ څخه ۳۶۴ نور افغانان په یوه ځانګړې الوتکه کې امریکا ته لېږدول شوي دي.
د هرات د کډوالو او راستنېدونکو چارو ریاست وايي، هره میاشت له ایران او ترکیې له ۱۰ زرو ډېر کسان چې ډېری یې له ایران څخه دي، دغه ولایت ته راستنیږي.
د کډوالو او بېرته راستنېدونکو چارو وزارت مرستیال وایي، په ایران کې څلوراړخیزه غونډه کې ګډون کوي او په دغه غونډه کې به په پاکستان او ایران کې د کډوالو ستونزو او په داوطلبانه ډول هېواد ته د هغوی د بېرته راستنېدو په اړه بحث او هوکړه وشي.
د کډوالو او بېرته راستنېدونکو چارو وزارت وايي، په تېره یوه ورځ کې له ایران څخه ۳ زره او ۱۹۱ افغان کډوال د اسلامکلا او ورېښمو پله له لارې هېواد ته راستانه شوي دي.
د کډروالو او راستنېدونکو چارو وزارت مرستیال وايي، افغانان دې په کوربه هېوادونو کې د قانون مطابق ژوند وکړي او په هېڅ سیاسي او غیر سیاسي لاریونونو کې ې دې برخه نه اخلي.
د امریکا د بهرنیو چارو وزیر انټوني بلینکن د قطر په السیلیه کمپ کې له یو شمېر مېشتو افغانانو سره لیدلي دي.
پاکستاني چارواکي وایي، په دغه هېواد کې د هغو افغانانو نوملیکنه پیلوي چې تر اوسه له حکومت سره ثبت او راجستر نه دي.
یو شمېر افغانان چې په دې وروستیو کې له ایرانه راستانه شوي، په داسې حال کې د دغه هېواد د حکومت او خلکو له بد چلنده شکایت کوي چې په تېرو شپږو میاشتو کې ۱۹۰ زره کډوال د ورېښمو پولې له لارې نیمروز ته راستانه شوي دي.
د بشري حقونو د څار بنسټ وايي، ترکيې څه باندې ۴۴ زره افغان پناهغوښتونکي د هغوی د اسنادو له څېړلو او دلایلو له اورېدو پرته او ډېری یې په وهلو ټکولو له خپل هېواده ایستلي…
د پژواک د ټویټرسپېس (تناظر خپرونه) ګډونوالو په پاکستان کې د افغان کډوالو ځورونو او نیولو په اړه د افغانستان او پاکستان ترمنځ پر جدي خبرو ټنیګار وکړ، ویې ویل چې نړۍوال بنسټونه دې هم…
د کاناډا د کډوالو چارو وزارت وايي، له پاکستانه یې ۳۲۴ نور افغانان تېره ورځ په یوې چارټر شوې الوتکه کې کاناډا ته لېږدولي دي.
د ننګرهار چارواکي وايي، پاکستاني چارواکو په تورخم کې هغه ۳۵ افغانان د کډوالو چارو ادارې ته سپارلي چې له تېرې يوې مياشتې راهیسې د دغه هېواد په زندانونو کې بنديان وو.
