میدانوردګو کې د لاسي بم چاودنې یو تنکی ځوان وژلی
د میدانوردګو امنیتي مسولین وایي، د دغه ولایت په سیداباد ولسوالۍ کې د لاسي بم چاودنې له امله یو ځوان وژل شوی دی.
امنیت او جرمونه
راپورونه
د اروزګان دهراوود کې د نشهیې توکو پروسس یوه کارخونه کشف شوې
د اروزګان امنیه قومانداني وایي، د دغه ولایت په دهراوود ولسوالۍ کې د ومانو پروسس یوه کارخونه کشف شوې او دغه راز په خاصاروزګان ولسوالۍ کې ۹۲۰ کیلوګرامه (هریړنګ) نیول شوي دي.
بلخ او غزني کې دوه کسان وژل شوي
امنیتي مسوولین وايي چې په بلخ او غزني ولایتونو کې د یوې ښځې په ګډون دوه کسان وژل شوي دي.
خوست کې یوه کور ته د لاسي بمونو غورځولو په تور درې کسان نیول شوي
د کورنیو چارو وزارت وايي، خوست کې امنیتي ځواکونو درې هغه کسان چې غوښتل یې د پیسو په بدل کې یوه کور ته لاسي بمونه وغورځوي، نیولي دي.
امنیه قومانداني: مزارشریف کې وسلهوالو یو ډاکټر وژلی او یو بل ټپي دی
د بلخ امنیه قومانداني وایي، ناپېژانده وسلهوالو د دغه ولایت په مرکز مزارشریف ښار کې پر دوو ډاکټرانو چې وروڼه دي، ډزې کړې، یو وژل شوی او یو بل ټپي دی.
لغمان کې د دوو قومونو ترمنځ وسلهواله نښته؛ له دواړو لورو ۲۵ کسان له وسلو سره نیول شوي
کورنیو چارو وزارت وایي، د لغمان ولایت په الیشنګ ولسوالۍ کې د دوو قومونو ترمنځ وسلهواله نښته شوې چې له امله یې دواړو لورو ته ځاني زیان هم اوښتی خو امنیتي ځواکونو د شخړې پراخېدو مخنیوی کړی او له دواړو لورو یې ۲۵ کسان له وسلو سره نیولي دي.
پکتیا کې د انسانتښتوونکو شپږکسیزه ډله نیول شوې
د پکتیا امنیه قومانداني د دغه ولایت په مرکز ګردېز کې د انسانتښتوونکو یوې شپږکسیزې ډلې د نیول کېدو خبر ورکوي او وايي چې یو کس یې د هغې له منګولو ژغورلی دی.
سرپل کې یوه ځوان ځانوژنه کړې ده
سرپل کې سیمهییز مسوولین وايي چې د دغه ولایت په بلخاب ولسوالۍ کې یوه ۲۰ کلن ځوان ځان راځوړند کړی او مړ شوی دی.
کندهار کې د لاسي بم چاودنې څلورو کسانو ته مرګژوبله اړولې ده
کندهار کې امنیتي مسوولين وايي، د کندهار ښار لسمې حوزې اړوند د کابل اډې پر سړک د يوه لاسي بم چاودنې له امله یو کس وژل شوی او درې نور ټپيان دي.
کاپیسا کې د یوه ځوان مړی موندل شوی
د کاپیسا امنیه قومانداني وايي، نن سهار د دغه ولایت په نجراب ولسوالي کې د یوه ۱۹ کلن ځوان مړی موندل شوی دی.
ناپېژانده کسانو پروان کې یو تن وژلی
ناپېژانده کسانو نن سهار د پروان ولایت په بګرام ولسوالۍ کې یو ۲۵ کلن ځوان په ډزو وژلی دی.
پکتیا کې پر ډېورڼد فرضي کرښه تر نښتې وروسته یوې ګډې قومي جرګې د اوربند پرېکړه کړې
سېمهییزې سرچينې وایي، پکتیا کې پر ډېورڼد فرضي کرښه تر نښتې وروسته د دواړو غاړو د قومي مشرانو یوې ګډې جرګې د اوربند، خرلاڅيو لارې د پرانیستل کېدو او یوې کمېټې جوړېدو پرېکړې کړې.
ننګرهار کې ۲۲۹ کیلوګرامه نشهيي توکي کشف او ترلاسه شوي
د ننګرهار ولايت په دوربابا ولسوالۍ کې ۲۲۹ کیلوګرامه چرس کشف او ترلاسه شوي او په تړاو یې نهه کسان هم نیول شوي دي.
د خیبرپښتونخوا له زندان څخه دوولس افغانان خوشي شول
د کډوالو او راستنېدونکو چارو وزارت وايي، ۱۲ افغانان چې د قانوني اسنادو نه درلودلو له امله په خیبرپښتونخوا کې بندیان شوي وو، خوشي شول.
د کورنیو چارو وزارت یو پلاوی ازبکستان ته ولاړ
د کورنیو چارو وزارت وایي، د دغه وزارت د نشهیي توکو پر وړاندې د مبارزې معینیت یو ګډ پلاوی په رسمي بلنه، ازبکستان هېواد ته ولاړ.
بامیان کي پر بهرنیو ګرځندویانو برید په اړه غبرګونونه
په بامیان ولایت کې پر بهرنیو ګرځندویانو د تېرې ورځې برید ملي او نړۍوال غبرګونونه راپارولي دي.
بامیان کې تېره ورځ وژل شوي درې سیلانیان د اسپانیا هېواد وګړي وو
د اسپانیا د بهرنیو چارو وزارت ویلي چې تېره ورځ په بامیان ولایت کې په وسالهوال برید کې درې وژل شوي او یو ټپي شوی کس د دغه هېواد وګړي وو.
قانع: لوګر کې چاودنه شوې خو مرګژوبله نه لري
د کورنیو چارو وزارت وايي، تېره شپه د لوګر په محمداغه ولسوالۍ کې د دغه وزارت د ځانګړو ځواکونو تعليمي مرکز ته نږدې پخواني چاودېدونکي توکي چاودلي، خو مرګژوبله نه لري.
بامیان کې د درېیو بهرنیانو په ګډون څلور کسان وژل شوي او اووه نور ټپیان دي
د کورنیو چارو وزارت وایي، په بامیانو ښار کې په عامو خلکو ډزې شوي چې له امله یې دوه بهرنیان او یو افغان وژل شوي او يو بهرنی له درېیو افغانانو سره ټپیان دي.
بلخ کې د راکټ سرګلولې چاودنې له امله درې ورونو ته مرګژوبله اوښتې
د بلخ امنیه قومانداني وایي، د دغه ولایت په بلخ ولسوالۍ کې د راکټ سرګلولې چاودنې له امله دوو ورونو خپل ژوند له لاسه ورکړی او یو بل ټپی دی.
بامیانو کې د بهرنیو سیلانیانو پر یوې ډلې برید شوی
د کورنیو چارو وزارت وایي، په بامیانو ولایت کې د بهرنیو سیلانیانو پر یوې ډلې برید شوی دی.
لوګر کې د میزایل ۲۲ مرمۍ کشف او ترلاسه شوې دي
امنیتي مسوولین وايي چې کشفي او استخباراتي ځواکونو د لوګر په محمداغه ولسوالۍ کې د میزایل ۲۲ مرمۍ کشف او ترلاسه کړې دي.
دایکنډي کې د نجونو یوه ښوونځي ۷۹ زدهکوونکې او ښوونکې مسموم شوې
دایکنډي کې ځايي مسوولین وايي چې د دغه ولایت په کیتي ولسوالۍ کې د نجونو یوې لېسې ۷۹ زدهکوونکې او ښوونکې مسموم شوې دي.
سرچینه: ډنډپټان کې د پاکستاني ځواکونو په ډزو ۱۳ ملکي وګړو ته مرګژوبله اوښتې ده
یوه حکومتي سرچینه وایي چې تېره شپه د پکتيا ډنډپټان ولسوالي کې له ډيورنډ فرضي کرښې سره د افغان او پاکستاني ځواکونو ترمنځ جګړې پر مهال د پاکستاني لوري ډزو کې درې ملکي وګړي وژل شوي او لس نور ټپیان دي.
