مزارشریف (پژواک، ۴ غبرګولی ۱۴۰۳): د بلخ امنیتي مسوولین وایي، د ازبکستان پولیسو د یوه افغان جسد چې د دغه ولایت شورتېپې ولسوالۍ ته نږدې یې امو سیند کې موندلی و، دوی ته سپارلی دی.
د بلخ امنیې قوماندانۍ مطبوعاتي دفتر له خوا په خپره شوې خبرپاڼه کې راغلي چې د بلخ ولایت په شورتېپې ولسوالۍ کې د ازبکستان پولیسو د یوه افغان جسد افغان امنیتي مسوولینو ته سپارلی دی.
خبرپاڼه زیاتوي، دغه کس چې یوه میاشت مخکې د کلدارې ولسوالۍ د چقر له کلي څخه نادرکه شوی و جسد یې نن له شورتېپې ولسوالۍ سره نږدې د امو سیند کې د ازبکستان پولیسو موندلی دی.
سرچینه وايي چې د دغه کس جسد کورنۍ ته یې سپارل شوی دی.
