ایمل رحیمی

د پنجشېر په عنابه لسوالۍ کې د ۲۰۰ کیلوولټ په ظرفیت د یوه ترانسفرمر په نصبېدو درې سوه کورنۍ له معیارې برېښنا برخمنې شوې دي.

د پنجشېر د پوهنې ریاست وایي چې د دغه ولایت په دیني مدرسو کې د ۱۳۵ ښځو په ګډون ۴۲۹ کسان د ښوونکو په توګه ګومارل شوي او ټاکل شوې چې سل نور کسان به هم استخدام شي.

سیمه‌ییز مسوولین وايي، د پروان په بګرام ولسوالۍ کې کوچیانو او د پنجشېر د پریان ولسوالۍ د ځايي خلکو ترمنځ ۱۵ کلنه شخړه چې له دواړو لورو په‌کې دوه کسان وژل شوي وو، د مسوولینو او قومي مشرانو په منځګړیتوب پای ته ورسېده.

د پنجشېر له کانونو د استخراج شوو زمردو په اوولسمه داوطلبۍ کې ۲۶۹۳ قیراطه زمرد په ۲۰۴ زره او ۹۰۰ امریکایي ډالرو وپلورل شول.

د پنجشېر د اطلاعاتو او فرهنګ ریاست وایي چې د دغه ولایت د امربالمعروف او نهی عن المنکر محتسبینو د اختر په ورځو کې او له هغه وروسته له سیلانیانو «د اسلامي شریعت خلاف وسایل» ټول کړي دي.

د پنجشېر د اطلاعاتو او فرهنګ ریاست وایي، د سختو بارانونو او سېلابونو راوتلو له امله په دغه ولایت کې درې کورونه، یو سړک، دوولس جریبه کرنیزه ځمکه او یو د برېښنا کوچنی بند تخریب شوي دي.

د پنجشېر له کانونو د استخراج شوو زمردو په شپاړسمه داوطلبۍ کې ۶۴۹۳ قیراطه زمرد په ۱۸۵ زره او ۱۰۰ امریکایي ډالرو وپلورل شول.

د پنجشېر د اطلاعاتو او فرهنګ ریاست وایي چې اشیانه موسسې د یونیسف په مالي همکارۍ د دغه ولایت په عنابه ولسوالۍ کې له ۱۶۷۸بې‌وزله کورنیو سره نغدي مرسته وکړه.

د پنجشېر له کانونو د استخراج شوو زمردو په پنځلسمه داوطلبۍ کې ۲۵۴۷ قیراطه زمرد په ۹۴ زره او ۸۰۰ امریکایي ډالرو وپلورل شول.

پنجشېر کې یوه ځایي سرچینه وايي چې د دغه ولایت په درې ولسوالۍ کې یوې ځوانې نجلۍ له خپل کوژدن سره له لفظي شخړې وروسته ځان‌وژنه کړې ده.

ځايي چارواکي وايي چې د وروستۍ واورې او باران له امله په کاپیسا کې ۴۲ کورونه په قسمي او بشپړ ډول او په پنجشېر ولایت کې په قسمي ډول د ۱۰ استوګنیزو کورونو ویجاړېدو تر څنګ ۱۰۰ څاروي هم له منځه تللي دي.

د پنجشېر له کانونو د استخراج شوو زمردو په څوارلسمه داوطلبۍ کې ۶۸۸۷ قیراطه زمرد په ۲۰۰ زره او ۲۵۰ ډالرو وپلورل شول.