خان‌ولي احمدزی

د لوګر د پوهنې ریاست مسوولین وايي چې د جاپان په مالي ملاتړ د دغه ولایت د مرکز پل‌علم ښار پنځو ښوونځیو ته نوې ودانۍ جوړې او نن رسماً ګټې اخیستنې ته وسپارل شوې.

د لوګر ولایت د لوړو زده‌کړو موسسې مسوولین وایي چې نن د دغه ولایت د ښوونځیو له ۲۵۰۰ فارغینو د کانکور ازموینې اخیستو لړۍ پيل شوه.

د لوګر کرکټ امریت مسؤولین وایي چې د دغه ولایت په محمداغې ولسوالۍ کې د «سولې جام» په نوم د کرکټ شل اووریزې سیالۍ چې یوه میاشت مخکې پیل شوې وې د احمداباد کرکټ لوبډلې په بریا پای ته ورسېدې.

د لوګر امنیتي مسوولین وایي چې د دغه ولایت په مرکز پل‌علم او محمداغه ولسوالۍ کې څلور جلا ترافیکي پېښې شوې چې له امله یې درېیو تنو ژوند له لاسه ورکړی او ۱۳ نور ټپیان شوي دي.

د لوګر د اطلاعاتو او فرهنګ ریاست له لوري د ځوانانو د ستونزو او لاسته‌راوړنو په تړاو جوړه شوې غونډه کې د دغه ولایت یو شمېر ځوانانو له حکومته وغوښتل چې د زده‌کړو ترڅنګ ورته کاري فرصتونه هم برابر کړي.

د لوګر د اطلاعاتو او فرهنګ ریاست له لوري د دغه ولایت په مرکز پل‌علم ښار کې د کتابونو یو ورځنی نندارتون جوړ شو چې په‌کې زرګونه ټوکه دیني، سیاسي، ادبي، ټولنیز او معلوماتي کتابونه نندارې ته وړاندې شول.

د افغاني سرې میاشتې عمومي رئیس وايي چې ا.ا په ټول هېواد کې د بیارغونې پروژو ته لومړیتوب ورکړی او د همدې موخې پر بنسټ د یادې ټولنې لپاره په لوګر کې د شاوخوا ۲۰ میلیون افغانیو په لګښت د یوې نوې ودانۍ د جوړېدو کار پيل شو.

ځايي مسوولین وايي، په لوګر او نورستان ولایتونو کې د ترافیکي پېښو له امله پنځو کسانو ژوند له لاسه ورکړی او شپږ نور ټپیان شوي دي.

د لوګر سیمه‌ییز مسوولین وایي چې د دغه ولایت محمداغې، بره‌کي برک، خوښۍ او څرخ ولسوالیو ته د ازبکستان وارداتي برېښنا غځول کیږي.

د لوګر د اوبو او انرژۍ ریاست وایي چې په دغه ولایت کې د ۶۳ میلیون افغانیو په لګښت ۱۷ بېلابېلې پروژې بشپړې او ګټې اخيستنې ته وسپارل شوې.

لوګر کې د کار او ټولنیزو چارو وزارت له لوري «ځوانانو ته د کاري فرصتونو رامنځته کول» په نوم غونډه کې د دغه وزارت مرستیال وویل، ځوانانو ته کاري فرصتونه رامنځته‌ کول یې لومړيتوب دی.

په لوګر ولایت کې د ۲۲ میلیون افغانیو په لګښت د څلورو ښوونځیو د احاطې دیوالونو او ځینو نورو مهمو برخو جوړولو چارې بشپړې شوې.