Language

Don't you have an account with Pajhwok Afghan News?

Click here to subscribe.

لوګر کې د اوبو او انرژۍ وزارت اړوند ۱۷ پروژې بشپړې شوې

پل‌علم (پژواک، ۲۳ مرغومی ۱۴۰۳): د لوګر د اوبو او انرژۍ ریاست وایي چې په دغه ولایت کې د ۶۳ میلیون افغانیو په لګښت ۱۷ بېلابېلې پروژې بشپړې او ګټې اخيستنې ته وسپارل شوې.

د لوګر د اوبو او انرژۍ ریاست تخنیکي سلاکار انجنیر فضل‌الرحمن عمرزي په پل‌علم خبریالانو ته وویل، یادې پروژې د اوبو او انرژۍ وزارت او همکارو موسسو په مالي ملاتړ د روان کال له پیله تر اوسه د مرکز په ګډون په ټولو ولسوالیو کې پلې شوې دي.

نوموړي زیاته کړه: «په دې پروژو کې د دوو لويو ذخيروي بندونو ساتنه او څارنه، د سربندونو، کانالونو، استنادي دېوالونو، حوضونو او کارېزونو  جوړونه، بیارغونه او پاک‌کاري شامل دي.»

هغه وايي چې د دغو پروژو په بشپړېدو به اوس  ١١٦٩٠ هکتاره ځمکه هم خړوبه شي.

عمرزي زیاته کړه، په نوي کال کې به د لوګر په مرکز پل‌علم او یو شمېر ولسوالیو کې هم د اوبو مدیریت یو شمېر مهمې پروژې عملي شي.

د پل‌علم یوه بزګر رسول‌ګل پژواک ته وویل، خوښ دی چې د اوبو او انرژۍ وزارت له لوري په مرکز پل‌علم او لسوالیو کې د اوبو د مدیریت ګڼې پروژې بشپړې شوې دي.

نوموړي زیاته کړه، د یادو پروژو له بشپړېدو سره د ځمکې لاندې اوبو سطحه مدیریت او د ځمکې سر اوبو ضایعاتو مخنیوی شوی دی.

د یادونې ده، له دې مخکې هم د لوګر د اقتصاد او کرنې ریاستونو د لسګونو پراختیايي پروژو بشپړېدو خبر ورکړی و.

GET IN TOUCH

SUGGEST A STORY

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

PAJHWOK MOBILE APP

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.