پلعلم (پژواک، ۲۸ لړم ۱۴۰۳): لوګر کې د کار او ټولنیزو چارو وزارت له لوري «ځوانانو ته د کاري فرصتونو رامنځته کول» په نوم غونډه کې د دغه وزارت مرستیال وویل، ځوانانو ته کاري فرصتونه رامنځته کول یې لومړيتوب دی.
په لوګر ولایت کې نن د کار او ټولنیزو چارو وزارت له لوري «ځوانانو ته د کاري فرصتونو رامنځته کول» په نوم غونډه وشوه.
په دغه غونډه کې د یاد وزارت د کار چارو مرستیال مولوي محمد ذاهد احمدزي وویل، ځوانانو لپاره د کاري فرصتونو رامنځته کول د دغه وزارت لومړیتوب دی.
نوموړي وویل، په تېر یوه کال کې دغه وزارت شاوخوا درې زره پر نشهتوکو روږدو ځوانانو ته د درملنې او مسلکي زدهکړو زمینه برابره کړې ده.
هغه همدارنګه وویل، کار او ټولنیزو چارو وزارت د هېواد په کچه ۲۷ د حرفوي زدهکړو مرکزونه لري چې سلګونه اوزګارو ځوانانو ته پهکې د زدهکړو او کار زمینه برابره شوې ده.
هغه دغه راز زیاته کړه، د هېواد په کچه د دغه وزارت په روزنتونونو کې شاوخوا شپږ زره بېسرپرسته ماشومانو ته روزنه ورکول کېږي.
ورته مهال، د لوګر والي مولوي ضیاءالرحمن مدني وویل، د دغه ولایت خلکو په تېرو جګړو کې د پام وړ قرباني ورکړې ده چې اوس اسلامي امارت ته پهکار ده، د دغه ولایت اوزګارو ځوانانو ته د مسلکي زدهکړو او کار زمینه برابره کړي.
بل لور ته، د دغه ولایت د کار او ټولنیزو چارو رییس مولوي جانمحمد طالحه هم د ځوانانو اوزګارتیا یوه مهمه ستونزه وبلله او زیاته یې کړه چې هڅه کوي ځوانانو ته په خپل ولایت کې د کار زمینه برابره کړي.
GET IN TOUCH
NEWSLETTER
SUGGEST A STORY
PAJHWOK MOBILE APP