قضافي مل

د کونړ سیمه‌ییز مسوولین وایي، نن سهار د دغه ولایت په وټه‌پور ولسوالي کې د سختو ورښتونو له امله سېلابونه راوتلي چې له امله یې یوه مېرمن مړه شوې او د دوو ماشومانو په ګډون درې نور کسان ټپیان شوي دي.

د کونړ د والي مرستیال په دغه ولایت کې د یو شمېر رسنيو له خبريالانو سره په ناسته کې ویلي، له خبریالانو سره هر ډول همکارۍ ته ژمن دي او هڅه کوي پر وخت کره او دقیق معلومات ورکړي.

کونړ کې ځايي مسوولین وایي چې د دغه ولایت په وټه‌پور ولسوالي کې د یوې کورنۍ اته غړي مسموم شوي چې له ډلې یې درېیو ماشومانو ژوند له لاسه ورکړی او پاتې نور تر درملنې لاندې دي.

د کونړ ځایي مسوولین وایي، د دغه ولایت په ناړۍ ولسوالي کې د موټر چپه کېدو پېښه کې ۱۰ کسان او د څوکۍ ولسوالۍ په چنارو سیمه کې د یوه کور د خونې چت پرېوتو له امله شپږ کسان ټپيان شوي دي.

د عامې روغتیا وزارت له لوري د کونړ د مرکز او دوو ولسوالیو په روغتیایي مرکزونو کې د څه باندې دوه میلیون افغانیو په لګښت د نري‌رنځ ناروغۍ د تشخیص څانګې فعالې شوې دي.

د نورستان یو شمېر اوسېدونکي وایي، پنځه کاله مخکې دغه ولایت ته د ملي پارک نوم ورکړل شوی، خو لا هم ورته اساسي سړک نه دی جوړ شوی، هوټلونه نه‌لري او هیڅ ډول بنسټیزه پروژه په‌کې نه ده پلې شوې.

د کونړ په شیګل ولسوالۍ کې د دوو کورنیو ترمنځ ۲۷ کلنه دښمني چې دوه کسان په‌کې وژل شوي وو، د یوې قومي جرګې له لارې حل او فصل شوه.

د کونړ د کرنې ریاست مسوولین وايي، تېره شپه د دغه ولایت د څوکۍ ولسوالۍ په دیوه‌ګل دره کې د نږدې ۵۰۰ چهارتراش لرګیو د قاچاق مخه نیول شوې ده.

سېمه‌ییز مسوولین وایي، د کونړ ولایت په ناړۍ ولسوالۍ کې د هاوان زړې مرمۍ چاودنې له امله یوه ماشوم خپل ژوند له لاسه ورکړی، یوه ښځه او درې ماشومان ټپیان شوي دي.

د کونړ ولایتي مسوولین وايي، د دغه ولایت په اوو ولسوالیو کې د ماین پاکۍ یوې موسسې په تېر یوه کال کې نږدې لس میلیون مترمربع ځمکه له ماینونو او ناچاودو توکو پاکه کړې ده.

کونړ کې د تېرې ورځې سېلابونو له امله زیانمنې شوې کورنۍ له حکومت او مرستندویه ادارو د بېړنیو مرستو غوښتنه کوي.

د کونړ ځايي مسوولین وایي، د دغه ولایت په مرکز اسعداباد او یو شمېر ولسوالیو کې د سختو ورښتونو له امله سېلابونه راوتلي چې پنځه کسان په‌کې مړه شوي او دغه راز خلکو ته درانه مالي زیانونه اوښتي دي.