جلال‌اباد

د جلال‌اباد ښار د اوومې ناحیې اړوند سیمه کې د نږدې ۱۹ میلیون افغانیو په لګښت د یوه فرعي سړک د کانکرېټ‌اچونې چارې بشپړې او ګټې اخیستنې ته وسپارل شو.

د مالیې وزارت وايي، جلال‌اباد ښار کې د څه باندې ۶۵۵ میلیون افغانیو په پانګونه د «صلاح‌الدین ایوبي» په نوم د یوې سوداګریزې او استوګنیزې ودانۍ جوړولو تړون لاسلیک شو.

د ننګرهار د مرکز جلال‌اباد ‌ښار د درونټې ساحه کې یوې ښځې له خپلو دوو ماشومانو سره ځان سیند ته غورځولی؛ ښځې او یوه ماشوم یې ژوند له لاسه ورکړی او بل ماشوم ژغورل شوی دی.

د جلال‌اباد ښاروالي وايي، تېر لمریز کال کې یې ۵۸۰ میلیونه افغانۍ عواید راټول کړي، دغه راز د ښاري پراختيا په موخه یې د دوو نوو ناحيو رامنځته کولو پلان جوړ کړی چې د رياست‌الوزرا له تایید وروسته به پلی شي.

د ننګرهار د مرکز جلال‌اباد ښار اړوند «کابل کمپ» سيمه کې د شاوخوا ۳۰۰ کورنۍ ماشومان او لویان د یوه جومات له څاه څخه اوبه وړي، خو له دې څاه یوازې په شین اسمان د لمریزې برېښنا په واسطه اوبه را ایستل کېږي.

جلال‌اباد (پژواک، د وري لومړۍ نېټه ۱۴۰۴): د ننګرهار ولایت امنیتي چارواکي وايي، تورخم کې پاکستان اړخ ته د پلټنې د ځینو وسایلو بیارغونې چارې نه دي بشپړې شوې، نو ځکه به لاره هم نن د ناروغانو او مسافرو پر مخ نه پرانیستل کېږي.

د ننګرهار سیمه‌ییز مسوولین وایي چې د دغه ولایت په مرکز جلال‌اباد ښار کې د څه باندې اته میلیون افغانیو په ارزښت د یوه فرعي سړک د کانکرېټ کولو چارې پیل شوې.

د کوچني اختر په رارسېدو سره د ننګرهار په مرکز جلال‌اباد ښار کې د خياطانو کاروبار ښه شوی خو خلک غوښتنه کوي چې اړوندې ادارې باید د خیاطانو پر نرخونه جدي څارنه وکړي.

د ننګرهار ولايت د مومندرې ولسوالۍ اړوند تورخم ښارګوټي کې د افغان او پاکستاني ځواکونو ترمنځ د جګړې له امله بې‌ځايه شوې کورنۍ د بېړنيو مرستو غوښتنه کوي.

د ننګرهار د مرکز جلال‌اباد ښار اوومه ناحیه کې د ۱۲ میلیون افغانیو په لګښت د يوه سړک پخولو چارې پيل شوې.

د ننګرهار د مرکز اړوند جلال‌اباد ښاروالي مسوولین وايي، روان کال په دغه ولايت کې د بیارغونې ۸۸ پروژې پيل شوې وې چې نږدې نیمايي یې بشپړې شوې او نورې یې تر کار لاندې دي.

ننګرهار کې امنیتي مسوولین وايي چې د دغه ولایت په مرکز جلال‌اباد ښار کې یو وسله‌وال غل د امنیتي ځواکونو ځوابي ډزو کې وژل شوی او یو امنيتي سرتېری ټپي دی.