جوزجان

د جوزجان سیمه‌ییزې سرچینې د دغه ولایت په مریادن ولسوالۍ کې د یوه روغتیايي کلینیک له جوړېدو خبر ورکوي؛ بلخوا، د دې ولسوالۍ یو شمېر اوسېدونکي وايي چې مخکې یې د معیاري روغتیايي مرکز نشتون له امله خپل ناروغان د دغه ولایت مرکز ته لېږدول.

د جوزجان په مرکز شبرغان ښار کې د لاسي توکو یو شمېر ښځینه پلورونکې د خپلو توکو پلورلو لپاره د مناسب ځای له نشتوالي شکایت کوي، خو د شبرغان ښاروالي وايي، هڅه کوي څو دغو ښځو ته مناسب او وړیا ځای پیدا کړي.

مسوولین وايي چې یو کس په کندهار کې او یو ماشوم په جوزجان کې د انسان‌تښتوونکو له منګولو وژغول شول او په تړاو یې درې کسان نیول شوي دي.

جوزجان کې چې هغه ښځه د غالۍاوبدلو او خیاطۍ کارګاه په جوړولو سره یې ۱۰۰ ښځو او نجونو ته د کار زمینه برابره کړې، وايي، که ملاتړ یې وشي سلګونو نورو ښځو ته به هم د کار زمینه برابره کړي.

د جوزجان د ښځو د سوداګرۍ او صنایع خونه دغه ولایت کې کوچنیو او لویو سوداګریو ته د ښځو د لېوالتیا له ډېرېدو خبر ورکوي، وايي چې اوسمهال د سوداګریزو جوازونو اخیستو لپاره د پخوا په نسبت ډېرې ښځې مراجعه کوي.

د ۱۱۱ میلیون امریکايي ډالرو په لګښت د جوزجان له مرکز شبرغان څخه د کابل تر ارغندۍ پورې د ۵۰۰ کیلوولټ وارداتي برېښنا مزي غځولو پروژې پاتې چارې پیل شوې.

د جوزجان امنیه قومانداني وايي چې په دغه ولایت کې د ترافیکي پېښې له امله یو کس مړ او یو بل ټپي شوی دی.

له پاکستان او ایرانه یو شمېر را ایستل شوي افغانان چې د جوزجان په مرکز شبرغان ښار کې په موقتي کمپونو کې ځای پر ځای شوي، له سرپرست حکومت او مرستندویه موسسو د مرستو له امله مننه کوي، خو د سرپناه او کاري فرصتونو برابرېدو غوښتنه کوي.

د جوزجان امنیه قومانداني وايي، د شبرغان – مزارشریف پر لویه لار د یوه موټر چپه کېدو له امله اووه کسان ټپیان شوي دي.

د جوزجان د خواجه دوکوه ولسوالۍ ځيني اوسېدونکي د څښاک پاکو اوبو له کمښته شکایت لري او له مسوولینو غواړي چې د دوی لپاره د څښاک پاکو اوبو برابرولو په برخه کې پاملرنه وکړي.

جوزجان کې یوې مېرمنې چې د خیاطي کارګاه جوړولو له لارې یې لسګونه ښځو ته د کار زمینه برابر کړې، له کورنیو وغوښتل چې د خپلو لوڼو د وړتیاوو پر وړاندې خنډ ونه ګرځي.

د جوزجان خواجه‌دوکوه ولسوالۍ د څو کلیو اوسېدونکي په داسې حال کې خپلو ماشوم ته د ښوونځي له نشتوالي شکایت کوي چې د دغه ولایت د پوهنې ریاست د دې ستونزې د هوارېدو ډاډ ورکوي.