غور

غور کې د دوو قومونو ترمنځ سله کلنه دښمني چې له امله یې د دواړو خواوو سل کسان وژل شوي وو، د سرحدونو، قومونو او قبایلو چارو وزارت په منځنګړیتوب پای ته ورسېده.

غور کې ځايي سرچینې وايي چې په دغه ولایت کې د دوو ترافیکي پېښو له امله دوه کسان مړه شوي او یو بل ټپي شوی دی.

غور کې امنیتي سرچینې د نشه‌یي توکو د قاچاق، پېر او پلور په تړاو د څلورو کسانو د نیول کېدو خبر ورکوي او وايي چې له دغو کسانو څخه څه باندې ۱۸۰ کیلوګرامه نشه‌یي توکي ترلاسه شوي دي.

غور کې ځايي سرچینې وايي چې په دغه ولایت کې د ترافیکي پېښې له امله دوه کسان مړه او پنځه نور ټپیان شوي دي.

غور کې سوداګرې او متشبثې ښځې د خپل کار‌وبار له پیکه کېدو شکایت لري، له حکومت او مرستندویه موسسو غواړي چې له دوی ملاتړ وکړي او په دغه ولایت کې  دې د کاروبار ځانګړی ځای ورته جوړ کړي.

د اسلامي امارت مشر د غور ولایت له مسوولینو سره کتلي او هغوی ته یې د نظام د استحکام، د شریعت د تنفیذ او نورو برخو کې لارښوونې او توصیې کړې دي.

د غور ځایي مسوولین وایي چې د دغه ولایت په مرکز فیروزکوه ښار کې د څه باندې اووه میلیون افغانیو په لګشت د یوه پله جوړولو چارې پیل شوې.

غور کې ځينې ښځې وایي، د اقتصادي ستونزو او بې‌وزلۍ له امله مجبورې دي څو د خپلو کورنیو اعاشې برابرولو لپاره شاقه کارونه وکړي چې له امله یې د ملا پر درد اخته شوې او د خپلې درملنې وس نه لري.

غور کې سیمه‌ییزې سرچینې وايي چې د دغه ولایت په دولینه ولسوالۍ کې د یوه مسافر وړونکي موټر چپه کېدو له امله یو پنځه کلن ماشوم مړ او د یوې ښځې په ګډون درې کسان ټپیان شوي دي.

غور ولایت کې د وروستيو سېلابونو له امله زيانمنې شوې کورنۍ وايي، د خوراکي او غیرخوراکي توکو مرستې یې ترلاسه کړې خو حکومت او مرستندويه ادارې باید د سرپناه برابرولو برخه کې مرسته ورسره وکړي.

د ریاست‌الوزرا اقتصادي مرستیال ملا عبدالغني برادر غور ولایت ته د سفر پر مهال له سېلاب‌ځپلو کورنیو سره لیدلي او له هغوی سره پر مرستې يې ټینګار کړی دی.

د ریاست‌الوزراء اقتصادي مرستیال ملا عبدالغني برادر د وضعیت څېړنې او د وروستیو سېلابو له زیانمنو سره د مرستې لپاره غور ولایت ته سفر کړی او ټاکل شوې د دغه ولایت له سېلاب‌ځپلو او بېلابېلو قشرونو سره لیدنې او خبرې اترې وکړي.