د بادغیس ځیني اوسېدونکي د برېښنايي پېژندپاڼو د وېش بهیر له بند پاتې کېدو شکایت کوي او د دغه بهیر د بیا پیلېدو غوښتونکي دي، خو مسوولین وايي، تخنیکي ستونزه رامنځته شوې او د دې ستونزې په هوارېدو سره به د پېژندپاڼو د وېش بهیر بیا پیل شي.
په بادغیس کې سیمهییزې سرچینې وايي، په دغه ولایت کې اوومې خصوصي سیمهییزې راډیو فعالیت پیل کړ. د دغې راډيو مسوول مدير او د امتیاز خاوند محمدنعيم ناظم پژواک خبري اژانس ته وويل چې د…
د بادغیس د عامې روغتیا ریاست سرپرست، په دغه ولایت کې سږ د تېر کال په پرتله د شري ناروغۍ پېښو د درې برابره لوړېدو خبر ورکوي او د دغې ناروغۍ د واکسین کمپاین پیل ترڅنګ، له کورنیو غواړي، څو خپل له ۹ میاشتو تر ۵ کلنۍ ماشومان واکسین کړي.
د بادغیس یو شمېر اوسېدونکي په دغه ولایت کې د سونتوکو له لوړې بیې شکایت کوي او وايي، تراوسه یې د ژمي لپاره سونتوکي نه دي اخیستي.
په بادغیس ولایت کې کارګر د کار له نشتوالي شکایت لري او د کاري زمینې برابرولو په برخه کې د مسوولینو د پاملرنې غوښتنه کوي؛ چارواکي د بېکارۍ ستونزې په تاییدولو سره وايي، د اسلامي امارت سرپرست حکومت هڅه کوي څو بېکاره کسانو ته د کار زمینه برابره کړي.
په بادغيس ولايت کې د پستې يو شمېر سوداګر د دغې مېوې د ساتلو لپاره د سړو خونو له نشتوالي شکايت کوي او وايي، سږ کال يې د پلور کچه کمه شوې او ښايي د دغه محصول ډېره برخه خرابه شي.
د بادغيس يو شمېر اوسېدونکي په دغه ولايت کې د مخابراتي شبکو پر خدماتو نيوکه کوي، وايي چې د خدماتو د ټيټ کيفيت ترڅنګ د انټرنېټي کڅوړو بيې یې هم ډېره لوړې دي، له حکومته غواړي چې د مخابراتي شرکتونو د خدماتو د لوړو بیو مخه ونیسي.
بادغیس کې سیمهییزې سرچینې وايي چې په دغه ولایت کې د ګاز یو معدن موندل شوی دی.
د بادغیس ولایت مقام وایي، د یوه امنیتي کس له خوا د «خطایي ډز» په پایله کې یوه ښځه مړه او بله ټپي شوې ده؛ خو د پېښې عامل نیول شوی او تر څېړنو لاندې دی.
د بادغیس ولایت یو شمېر اوسېدونکي د برېښنایي پېژندپاڼو د وېش بهیر له ټکنيوالي شکایت کوي او ادعا لري چې شاوخوا یو کال مخکې یې خپل اسناد طی مراحل کړي او بایومټریک شوي خو تر…
د بادغیس ځیني مالداران په دغه ولایت کې د پروړې بیې له درې چنده لوړېدو او د وښو له کمښته شکایت لري او وایي، د بیو لوړوالي له امله نشي کولای چې خپلې مالدارۍ ته دوام ورکړي.
د بادغیس امنیه قومانداني وايي، نن سهار د دغه ولایت د مقر ولسوالۍ په خارستان سیمه کې د ناچاودو توکو چاودنې له امله درې ماشومې نجونې وژل شوې دي. د بادغیس امنیې قوماندانۍ له…
د بادغیس د اطلاعاتو او فرهنګ ریاست مسوولین وایي، د روان کال په ترڅ کې د لسو بهرنیانو په ګډون، څه باندې ۷زره سیلانیانو د دغه ولایت له لرغونو او تاریخي ځایونو څخه لیدنه کړې ده.
د بادغیس ځيني اوسېدونکي په دغه ولایت کې د کانونو استخراج پر پیلېدو خوښ دي او له سرپرست حکومته غواړي چې له دغه مدرکه لاسته راغلي عواید دې د دغه ولایت د اړتیاوو رفع کولو او د رغنیزو پروژو پلې کولو برخو کې ولګول شي.
د بادغیس مسوولین وايي، د دغه ولايت بند سبزک سیمې ته څېرمه یوې درې ته د موټر غورځېدو پېښه کې دوه کسان مړه شوي او درې نور ژوبل دي.
د بادغیس اوسېدونکي په دغه ولایت کې د کمعمره کسانو له خوا د موټر چلولو له ډېرېدو شکایت کوي او له مسوولینو غواړي چې مخنیوی یې وکړي.
د بادغیس کروندګر په روان کال کې دغه ولایت کې د خټکيو د حاصلاتو له کمښته شکایت لري او له حکومته د ملاتړ غوښتنه کوي.
په بادغیس ولایت کې ځینې سرچینې په داسې حال کې په دودیز ډول د پستې د پروسس خبره کوي چې دوه کاله مخکې په دغه ولایت کې د څه باندې ۱۵۰زره امریکایي ډالرو په لګښت…
په بادغیس کې ځيني کوژدن شوي/نامزد ځوانان له لوړ ولور ټاکلو څخه شکایت لري وایي، د اقتصادي بېوزلۍ له امله یې د ورکړې توان نه لري او کلونه کېږي چې د خپل واده مراسم ترسره کولای نه شي؛ هغوی د ولور د کمولو غوښتنه وکړه.
د بادغیس ولایت د ابکمري ولسوالۍ مسوولین د یوې ښځې له خوا د خپل خاوند د وژلو خبر ورکوي او وايي، دغې ښځې د څېړنو پر مهال ویلي چې دغه کار ترې سهواً شوی دی.
د بادغیس روغتیایي مسوولین د دغه ولایت اوسېدونکو ته د کرونا ویروس واکسین تطبیقولو لړۍ د دوام خبر ورکوي او له خلکو غواړي څو په داوطلبانه ډول راشي او واکسین ولګوي.
د بادغیس اوسېدونکي د څاهګانو او ځمکې لاندې اوبو د کښته کېدو او وچېدو له امله اندېښمن دي او له مسوولینو غواړي چې په خپلسري ډول د څاهګانو کېندلو او له اوبو څخه د بې کچې استفادې مخه ونیسي.
که څه هم د قیلون په ګډون د دخانیاتو کارول د انسان روغتیا ته زیان رسوي خو په دې وروستیو کې په بادغیس کې ډېرو ځوانانو دغه کار ته مخه کړې ده.
په بادغیس ولایت کې د دوو دولتي انسټیټیوټونو یو شمېر محصلان د خپلو درسونو له درېدو شکایت لري او له حکومته غواړي چې د دغو دوو انستیټیوټونو پرانیستلو برخه کې دې ژر تر ژره لاس…
