مسوولین وایي چې په تېرو نږدې څلورو کلونو کې د هېواد په کچه د جرګو او مرکو له لارې ۲۶۵۰ شخړې او دښمنۍ هوارې شوې، بلخوا شنونکي دا چاره د ټولنیز ثبات رامنځته کېدو او د خلکو ترمنځ د کرکې د له منځه تلو لپاره مهم ګام بولي.
نیمروز کې د ګلبشرې په نوم ۳۰ کلنه ښځه چې لا یې له زېږېدو پنځه میاشتې نه وې تېرې شوې، د دوو کورنیو ترمنځ د دښمنۍ پای ته رسېدو په موخه یوه ۲۰ کلن هلک ته په نوم شوه. هغه اوس له نورو میندو او پلرونو غواړي چې هيڅکله دې د خپلو لوڼو له برخلیک سره دا ډول معامله نه کوي.
د یوې قومي جرګې له لارې د جوزجان په مرکز شبرغان ښار کې د دوو کورنیو ترمنځ لس کلنې دښمنۍ ته د پای ټکی کېښودل شو؛ د دواړو کورنیو غړو یو بل ته بښنه وکړه، دښمني او کینه یې له منځه یووړه او سوله یې وکړه.
د لغمان ولایتي مسوولین وایي، تېر یوه کال کې په مرکز او ولسوالیو کې د قومي مشرانو او دیني علماوو په منځکړيتوب د دښمنۍ ۱۶۳ نوې او د لسګونو کلونو پخوانۍ قضیې حل او فصل شوې دي.
د ننګرهار ولايت په کوټ او چپرهار ولسواليو کې دوه دښمنۍ چې د څلورو کورنيو ترمنځ وې، د قومي مشرانو په منځګړیتوب په دوستۍ بدلې شوې.
د خوست په مرکز کې د دوو کورنیو ترمنځ ۳۰ کلنه دښمني د قومي مشرانو په هلو ځلو پای ته ورسېده.
د ننګرهار ولایت په خوږياڼو او اچین ولسوالیو کې د قومي مشرانو په منځګړیتوب دوې دښمنۍ پای ته ورسېدې.
د جوزجان د سرحدونو، قومونو او قبایلو چارو رییس په روان کال کې په دغه ولایت کې د کورنیو ترمنځ د دښمنۍ د ۴۶ قضیو له پای ته رسېدو خبر ورکوي.
غور کې د دوو قومونو ترمنځ سله کلنه دښمني چې له امله یې د دواړو خواوو سل کسان وژل شوي وو، د سرحدونو، قومونو او قبایلو چارو وزارت په منځنګړیتوب پای ته ورسېده.
د میدانوردګو ولایت مقام وایي، د دغه ولایت په جغتو ولسوالۍ کې د ځايي مسوولینو او مشرانو په منځګړيتوب د څلورو کورنیو ترمنځ دوه څو کلنې دښمنۍ پای ته ورسېدې.
د بلخ په چمتال ولسوالۍ کې د حکومتي چارواکو، دیني علماوو، او قومي مشرانو په منځګړیتوب د څلورو کورنیو ترمنځ ۳۰ او ۳۶ کلنه دښمنۍ پای ته ورسېدې.
د اروزګان ولایت په دهراوود ولسوالۍ کې پرون د ديني عالمانو، مسوولینو او قومي مشرانو په منځګړیتوب د څلورو کورنیو ترمنځ دښمنۍ پای ته ورسېدې.
د ننګرهار په ګوشتې ولسوالۍ کې څلور کاله مخکې د یوې دښتې د ملکیت پر سر د دوو کليو ترمنځ شخړه په دښمنۍ اوښتې وه چې اوس یې د قومي منځګړتوب له لارې بېرته ترمنځ روغه وشوه.
د ننګرهار ولايت په حصارک ولسوالۍ کې د قومي منځګړیتوب له لارې د دوو کورنیو ترمنځ له ۶۰ کلنې دښمنۍ وروسته روغه جوړه وشوه.
د ننګرهار ولایت په بهسودو ولسوالۍ کې د قومي مشرانو په منځګړیتوب د دوو کورنیو ترمنځ له ۲۵ کلنې دښمنۍ وروسته روغه جوړه وشوه.
د فراه حکومتي مسوولین وايي، د تېرو ۱۲ میاشتو په موده کې په دغه ولایت کې د ولایتي ادارو او قومي جرګو له لارې ۶۲ دښمنۍ پر دوستۍ بدلې شوې دي.
د کونړ په دانګام ولسوالۍ کې نن د قومي جرګې په منځګړيتوب د دوو کورنیو ترمنځ له ۲۰ کلنې دښمنۍ وروسته روغه جوړه وشوه.
