په کابل کې د ترکیې سفارت شارژدافیر په هرات کې د دغه هېواد له میشت سرقنسول سره په ګډه د دغه ولایت له زلزلهځپلو سیمو لیدنه وکړه او سلګونو زیانمنو شوو کورنیو ته یې د خوراکي او غیرخوراکي توکو مرستې وېشلې دي.
د کډوالو چارو وزارت یوه چارواکي، د پاکستان له خوا د افغان کډوالو په زور ایستل د نړۍوالو قوانینو خلاف بولي او د کډوالو په چارو کې د ملګرو ملتونو له عالي کمېشنرۍ غوښته کوي چې د بېرته راستنېدونکو وضعیت ته د رسېدنې په موخه له افغانستان سره مرسته وکړي.
د خوړو نړۍوال پروګرام وايي، د بودجې کمښت له امله افغانستان کې روانه سپټمبر میاشت له هغو دوه میلیون کسانو سره مرسته نه شي کولای چې تر اوسه یې مرسته ورسره کوله.
فاریاب کې یو شمېر ځایي مسوولین او قومي مشران وايي، د ملګرو ملتونو د خوړو نړۍوال پروګرام (WFP) د دغه ولایت پنځه ولسوالۍ د مرستو له برنامې ایستلې دي.
د امریکا د استازو خونې د بهرنیو اړیکو کمېټې مشر ويلي چې سپینه ماڼۍ دې افغانستان ته د استول کېدونکو مرستو لا ډېر نظارت وکړي.
د ترکيې سرې میاشتې او دیانت ادارې استازو نن په کابل کې وویل چې دوی به په افغانستان کې له بېوزلو خلکو سره خپلو مرستو او لاسنیوي ته دوام ورکوي.
اوچا وايي، لوګزامبورک له افغانانو سره د مرستو په موخه د بشري مرستو صندوق ته ۳۵۰ زره یورو ورکړي دي.
پکتیکا ولایت ته کلونه مخکې ورغلي وزیرستاني کډوال له حکومت او مرستندویه بنسټونو د مرستې غوښتنه کوي.
په پنجشېر کې زرګونه هغه کورنۍ چې تېر کال یې یو یا څو ځلې بشري مرستې ترلاسه کړې وايي، دغو مرستو د دوی پر اقتصاد مثبت اغېز لرلی دی؛ خو بلخوا بیا یو شمېر نورې کورنۍ د مرستو له نه ترلاسه کولو شکایت لري.
د نیمروز ځیني اوسېدونکي ادعا کوي چې په دغه ولایت کې د بشري مرستو د وېش بهیر شفاف نه دی؛ خو مسوولین دا موضوع ردوي او وايي، د مرستو د وېش بهیر شفاف او عادلانه دی.
افغانستان لپاره د ملګرو ملتونو ځانګړې استازې د پوهنې وزارت له سرپرست سره د افغانستان د تعلیمي وضعیت په اړه مفصلې خبرې کړې او له پوهنې برخې سره یې د خپلو بې قید او شرط مرستو پر دوام ټینګار کړی دی.
په کابل کې ځيني بېوزلي خلک د مرستو وېش په لړۍ کې د روڼتیا له نشتوالي شکایت لري او وایي، دغه مرستې تر ډېره غېرمستحقو ته ورکول کېږي؛ خو مسوولین د دې ستونزې هواري لپاره د کار په بدل کې د مرستو پر وېش ټينګار کوي.
د ملګرو ملتونو د سرمنشي مرستیال د افغانستان د کډوالو چارو وزارت له سرپرست سره په لیدنه کې ویلي، پر دغه هېواد د مرستو بندولو اراده نه لري او سږ کال د بشري مرستو برخې ته تر ټولو ډېره بودجه په پام کې نیول شوې ده.
بلخ کې د خېمو اوسېدونکي وایي چې د هوا له سړېدو سره له ګڼو ستونزو او ننګونو سره مخ دي او د مرستې غوښتنه کوي.
په غور ولایت کې ځینې بېوزله او بېځایه شوې کورنۍ د موسسو او دولت له خوا ورسره د ژمنیو مرستو له نه کولو شکایت لري او وايي، له میاشتو راهیسې یې هیڅ ډول مرستې ترلاسه کړې نه دي.
له افغانستان سره د مرستندویه هېوادونو د بشري مرستو په لړ کې، نن ۴۰ میلیون امریکايي ډالر نور کابل ته را ورسېدل. مرکزي بانک په خپل ټویټرپاڼه کې لیکلي، له افغانستان سره د مرستندویه هېوادونو د…
د لوګر د خوښۍ ولسوالۍ سېلابځپلې کورنۍ وایي، د خیریه بنسټونو او موسسو له لوري شوې مرستې په شفاف ډول نه وېشل کېږي او په کمپونو کې مېشتې سېلابځپلې کورنۍ له سختو ستونزو سره مخ دي.
د ننګرهار د مرکز جلالاباد ښار او يو شمېر ولسواليو هغه اوسېدونکي چې پرون يې د اورښت او سېلاب له امله زيان ليدلی، له حکومت او مرستندویه ادارو د مرستو غوښتنه کوي.
د اروزګان ولایتي چارواکي وايي، له هغو زرګونو سېلابځپلو کورنیو سره د بشري مرستو لړۍ بریالۍ روانه ده چې په دې وروستیو کې د دغه ولایت په پنځو ولسوالیو کې زیانونه ور اوښتي وو.
د کډوالو او بېرته راستنېدونکو چارو وزارت وايي، سرپرست حکومت په یوه تازه ګام کې د څو وزارتونو ګډ کمېسیون جوړ کړی څو د پکتيکا او خوست ولايتونو له زلزلهځپلو سره د مرستو دویمه لړۍ پیل کړي.
د ننګرهار چارواکي وايي، په دغه ولايت کې د وروستيو سېلابونو له امله له زيانمنو شوو کورنيو سره یې د مرستو لړۍ پيل کړه چې په لومړۍ ورځ په بټيکوټ ولسوالۍ کې پر سېلابځپلو کورنيو د سرپناه وسايل ووېشل شول.
د پکتيا ولايت له سېلابځپلو کورنيو سره د خوراکي او غېرخوراکي توکو د مرستو وېشلو لړۍ پيل شوه.
په هرات ولایت کې یو شمېر بېوزله اوسېدونکي چې له څو میاشتو راهیسې یې هېڅ مرسته نه ده ترلاسه کړې، د مرستو د وېش په اړه شکایت لري.
د لغمان د الینګار ولسوال قاري ذاهدالله فاتح وايي چې نن د يادې ولسوالۍ له څه باندې اته زره بېوزلو کورنیو ته د مرستې وېش پيل شو.
