د لوګر امنیه قومانداني وايي چې د دغه ولایت په مرکز پلعلم ښار کې یې هغه څلور کسان نیولي چې فېسبوک او واټسپ کې یې د نجونو په نوم ادرسونه لرل او له خلکو به یې پیسې اخیستې.
د ننګرهار د پوهنې رياست مسوولين وايي، د ملګرو ملتونو د کډوالۍ نړۍوال سازمان د ۱۴۵ زره ډالرو په مالي ملاتړ بهسودو ولسوالۍ کې د نجونو د يوه ښوونځي ودانۍ جوړه شوه.
د الحبتور ګروپ مشر خلف احمد الحبتور وایي، امنیتي کسانو د یو شمېر هغو افغان نجونو مخه نیولې چې د زدهکړو لپاره متحده عربي اماراتو ته تلې خو ا.ا تر اوسه په دې اړه څه نه دي ویلي.
د سرپل ولایت په مرکز کې د ۴۵ زره امریکايي ډالرو په لګښت د نجونو یوه ښوونځي د ودانۍ جوړېدو چارې پيل شوې او د کونړ په ولایتي روغتون کې بیا د ۳۰ زره امریکايي ډالرو په لګښت یو لابراتوار فعال شو.
ملګري ملتونه وايي، د ا.ا واکمنۍ له دوکلنې کېدو سره هممهاله یې په افغانستان کې د نجونو زدهکړو لپاره کمپاین پیل کړی دی.
فاریاب کې د پوهنې ریاست مسوولین وايي، د دغه ولایت په شېرین تګاب ولسوالۍ کې د «ګلتپه» په نوم د نجونو لومړني ښوونځي ودانۍ بشپړه او ګټې اخیستنې ته وسپارل شوه.
د ملګرو ملتونو سرمنشي ویلي چې د ښځو او نجونو حقونه دې په ټولو ځایونو کې مراعت شي؛ ځکه چې هغوی د باعزته ژوند او درناوي وړ دي.
سږ کال د کانکور په ازموینه کې یو شمېر داوطلبې انجونې اندېښمنې دي او له سرپرست حکومته غوښتنه کوي چې په دغه ازموینه کې د دوی د شاملولو سربېره د نجونو پر مخ د ښوونځیو…
یوې ښځې په نیمروز ولایت کې د خیاطي یوې کارګاه په جوړولو سره لسګونو نجونو ته - چې ډېری یې له شپږم ټولګي پورته زدهکونکې وې- د دې حرفې د زدهکړې زمینه برابره کړې ده.
د افغانستان د ازموینو ملي اداره وایي، د سږ کال کانکور ازموینې په برخه کې د لوړو زدهکړو وزارت له لوري يوازې د نارینه محصلینو د جذب مکتوب ورغلی دی.
د پژواک اژانس موندنې ښیي چې د هېواد د ۷ ولایتونو په ۱۹ ولسوالیو کې د نجونو ښوونځي نشته، خلک هلته نجونو ته د ښوونځیو جوړولو غوښتنه کوي او چارواکي وایي، د جوړولو لپاره یې هڅې روانې دي.
شاوخوا سل افغان ډاکټرانو د هغو نجونو لپاره چې زدهکړې یې ځنډېدلې، په وړیا ډول د طبي علومو پرلیکه زدهکړو زمینه برابره کړې او وایي، د ستوماتولوژۍ څانګې لپاره یې نوملیکنه روانه ده.
په هېواد کې د نجونو له شپږم ټولګي پورته ښوونځیو له تړلکېدو وروسته د پروان ولایت په دیني مدرسو کې د نجونو زدهکوونکو شمېر ۶۰ سلنه ډېر شوی دی.
د خوست ولایت امنیتي مسوولین وايي، یو کس یې نیولی چې د نجونو په نومونو د فېسبوک له جعلي پاڼو په استفادې یې یو هېوادوال دوکه کړی او ۵،۵ میلیون افغانۍ یې ترې اخیستې دي.
په بلخ ولایت کې یو شمېر زدهکوونکې او زدهکړیالانو د ښوونځیو او پوهنتونونو له تړل کېدو وروسته د غالیو اوبدلو ته مخه کړې ده. هغوی له سرپرست حکومته غواړي چې د ښوونځيو او پوهنتونونو دروازې…
په بادغیس کې ځیني له شپږم ټولګي پورته نجونې زدهکوونکې د درسونو ځنډېدلو په اړه اندېښمنې دي؛ د پوهنې برخې ځیني کارپوهان له اسلامي امارته غواړي چې دا ستونزه هواره کړي او د اسلامي حجاب په رعایتولو سره دې نجونو ته ښوونځي ته د تګ اجازه ورکړي.
د افغانستان نجونو روباټیک ټیم غړي د دې ترڅنګ چې د نجونو د ښوونځیو او پوهنتونو پر پرانیستلو ټینګار کوي، له نړۍوالو غواړي چې د افغان نجونو ملاتړ دې وکړي او هغوی دې یوازې نه پرېږدي.
د ملګرو ملتونو ښوونیز، علمي او فرهنګي سازمان پرون ویلي چې که په افغانستان کې د نجونو د زدهکړو په اړه پرېکړه تغییر و نهکړي، له ښوونې د نجونو د محرومیت دوام به د یوه نسل د نابودېدو لامل شي.
د لوړو زدهکړو وزارت سرپرست وایي، د نجونو د لوړو زدهکړو بهیر په مطلق ډول نه بلکې تر امر ثاني پورې ځنډول شوى او خلک دې داسې غوښتنې نه کوي چې د افغانستان کلتور او د اسلام دين ورته اجازه نه ورکوي.
ځینې جوزجانۍ مېرمنې چې په دغه ولایت کې د سواد زدهکړې ټولګیو کې درس وايي، له اسلامي امارته غوښتنه کوي چې له شپږم ټولګي پورته نجونو ته ښوونځيو ته د تګ اجازه ورکړي.
د نجونو له حضور پرته د پوهنتونونو د نوي تحصیلي سمستر له پیلېدو سره هممهاله ځيني ښځینه او نارینه محصلین له اسلامي امارته غواړي چې د پوهنتونونو دروازې دې د نجونو پر مخ هم پرانیزي.
د لوړو زدهکړو وزارت مرستيال وايي، پر يوې طرحې کار روان دى چې ډېر ژر به بشپړ شي او له مخې به يې، نجونو ته د اسلامي شريعت په چوکاټ کې پوهنتون ته د تګ اجازه ورکړل شي.
د ملګرو ملتونو سرمنشي انتونیو ګوترش، دې ته په اشارې سره چې په نړۍ کې ۱۱۸.۵ میلیون نجونې له ښوونځي محرومې دي، ویلي چې هیڅ څه له ښوونځیو څخه د نجونو لرې ساتل توجیه کولای نه شي.
د ننګرهار د پوهنې ریاست وايي، د دغه ولايت په اچين او کوټ ولسواليو کې د نجونو دوو ښوونځو ته نوې ودانۍ جوړې شوې چې پخوا به زدهکوونکو یې تر شنه اسمان لاندې زدهکړې کولې.
