ښوونځي

بامیان کې سیمه‌ییز مسوولین وايي چې په دغه ولایت کې د څه باندې ۱۳۲ زره امریکايي ډالرو په لګښت د نجونو یوه ښوونځي ته ودانۍ جوړه او ګټې اخیستنې ته وسپارل شوه.

د لوګر پوهنې ریاست وايي چې د دغه ولایت بره‌کي‌برک ولسوالۍ په شاه مزار سیمه کې د یوه ښوونځي او دیني مدرسې غصب شوې ۴۰ جریبه ځمکه بېرته را وګرځول شوه.

بامیان کې ځايي مسوولین وايي چې د دغه ولایت په ورس ولسوالۍ کې د خلکو په مالي ملاتړ د یوه لومړني ښوونځي د ودانۍ جوړولو چارې پیل شوې.

د خوست ولایت په مرکز کې د څه باندې ۴۳ میلیون افغانیو په لګښت د یوه سړک، ویالو او یوه کانال د جوړېدو چارې پيل شوې.

د لوګر ولایت په ازره ولسوالۍ کې د ۸،۵ میلیون افغانیو په لګښت د دوو ښوونځیو ودانۍ بیاورغول شوې.

د میدان‌وردګو په نرخ ولسوالۍ کې یوه ښوونځي ته ودانۍ جوړه شوه او بلخوا د بغلان په مرکز پلخمري کې د یوه سړک جوړولو چارې پیل شوې.

د فراه پوهنې ریاست وايي چې د دغه ولایت د ۳۹۵ ښوونځیو له ډلې ۱۸۸ یې خپلې ودانۍ نه لري او په کرايي کورونو کې فعالیت کوي.

د غزني ولایت په مرکز کې د خلکو لخوا په شاوخوا شپږ میلیونه افغانیو  لګښت د یوه ښوونځي لپاره ودانۍ جوړه او ګټې اخیستنې ته وسپارل شوه.

نیمروز کې سیمه‌ییزې سرچینې وايي، په دغه ولایت کې د یوه روغتیايي مرکز او یوه ښوونځي د ودانیو چارې بشپړې او ګټې اخیستنې ته ورسپارل شوې.

د فاریاب د پوهنې ریاست مسوولین وایي چې د دغه ولایت په پښتون‌کوټ ولسوالۍ کې د یوه ښوونځي د ودانۍ جوړولو چارې پیل شوې او په ګرزیوان ولسوالۍ کې د یوه ښوونځي ودانۍ ګټې اخیستنې ته وسپارل شوه.

د بلخ ولایت مرکز مزارشریف ښار کې د ۳۰۰ زره امریکایي ډالرو په لګښت یوه ښوونځي ته ودانۍ جوړه او ګټې اخیستنې ته وسپارل شوه.

د افغانستان د کډوالو چارو کې د ملګرو ملتونو عالي کمېشنري وايي چې د کندوز په مرکز کې یوه ښوونځي ته د ۱۶ میلیون افغانیو په لګښت ودانۍ جوړه او ګټې اخیستنې ته وسپارل شوه.