کندوز

کندوز ولایت کې د دوو کورنیو ترمنځ څلور کلنه دښمني د ځايي مسوولینو او قومي مخور په منځګړیتوب پای ته ورسېده.

د کندوز امنیه قومانداني وایي چې په دغه ولایت کې په تېرو دوو کلونو کې د نږدې ۲۰۰۰ روږدو درملنه شوې او له خپلو کورنیو سره یوځای شوي دي.

د کندوز د سپورت مسوولين وايي، دغه ولایت کې د افغان او پاکستاني لوبغاړو ترمنځ اووه ازادې سيالۍ ترسره شوې چې د ټولو سياليو ګټونکي افغانان دي.

کندوز کې د یو شمېر قومي مشرانو او مخورو په منځګړیتوب د دوو کورنیو ترمنځ ۴۰ کلنه دښمني پای ته ورسېده.

د کندوز امنیه قومانداني وایي چې د دغه ولایت په امام صاحب ولسوالۍ کې له پولیسو سره نښته کې یو انسان‌تښتوونکی وژل شوی او درې نور نیول شوي دي.

د کندوز ځایي مسوولین وایي، سږ کال دغه ولایت کې ۳۰۰ ټنه کبان تولید شوي چې د تېر کال په نسبت ۵۰ سلنه ډېروالی په کې راغلی دی.

د کندوز د قلعه‌ذال ولسوالۍ یو شمېر اوسېدونکي چې د امو سیند څېرمه یې کورونه دي، له سرپرست حکومته غوښتنه کوي چې د امو سیند غاړو تحکیماتو برخه کې ډېرې پروژې پلې کړي.

د کندوز د پوهنې ریاست مسوولین وايي، درېیو مرستندویه بنسټونو په دغه ولایت کې د نږدې ۸۰۰ سیمه‌ییزو ټولګیو په جوړولو سره ۲۷ زره ماشومانو ته د لومړنیو زده‌کړو زمینه برابره کړې ده.

د کندوز د پوهنې ریاست وایي چې دغه ولایت کې د ۵۱۲ ښوونځيو له ډلې ۱۶۳ یې ودانۍ نه لري.

حکومتي مسوولین وايي، کندوز کې د ۱۶ میلیون افغانیو په لګښت د څلورو پراختیايي پروژو عملي چارې پیل شوې.

د کندوز حوزوي روغتون مسوولین وايي چې په تېرو شپږو میاشتو کې په دغه ولایت کې ۶۰۰ ماشومان پر خوارځواکۍ اخته شوي چې د تېر کال په نسبت نږدې ۵۰ سلنه زیاتوالی ښيي.

له پاکستانه کندوز ولایت ته راستنې شوې کډوالې کورنۍ وايي چې د سرپناه په برخه کې ستونزې لري، حکومت او مرستندویه بنسټونه باید د ژمي له رسېدو مخکې دغه ستونزه حل کړي.