قلعه نو (پژواک، ١٨ ورى ٩٤): د بادغيس ولايت د مرکز اړوند په لامان سيمه کې د سېلابونو له امله د قلعه نو- هرات تړل شوې لاره، د ترافيکو پر مخ پرانیستل شوه.
وړمه شپه د بادغيس ولايت په مرکز او مقر ولسوالۍ کې سېلابونو د نورو زيانونو تر څنګ د لامان په سيمه کې د قلعه نو- هرات لويه لار تخريب کړه او هلته يې درې پولګوټي هم ونړول.
له همدې امله دغه لار وړمه شپه شاوخوا ١٢ بجې د ترافيکو پر مخ وتړل شوه.
خو د بادغیس د امنيه قوماندانۍ د امنيت امر محمدقيوم انګار نن پژواک خبري اژانس ته وويل چې پوليسو د خلکو په مرسته د تخريب شوي سړک تر څنګ د موټرو د تګ راتګ لپاره فرعي لاره جوړه کړه او نن غرمه موټرو پرې تګ راتګ پيل کړ.
د بادغيس د فوايد عامې رياست مشرې انجنير مليحې تېره ورځ ويلي وو چې د دې لارې د پرانيستو لپاره د دغه رياست کسانو کار پيل کړى دى.
تېره ورځ په لامان سيمه کې پنځوسو سېلاب ځپلو کورنيو سره د بېړنيو حالاتو کمېټې له لوري د خېمو، پټوګانو، غنمو او غوړيو مرسته وشوه.
د مرستې دغه توکي د يادې لارې د بندېدو له امله د خرو په واسطه سيمې ته لېږدول شوي و.
غړيYou need to subscribe to view the full article. Please login or register a new account.
