د مهترلام ښار د پاکولو په موخه حشر ترسره شو

مهترلام ( پژواک، ١٠ زمرى ٩٤ ) : د لغمان ولايت د مرکز  مهترلام ښار د پاکولو په موخه حشر پيل شو، چې يوه اوونۍ به دوام وکړي.

 ددې حشر د پيل  پر مهال نن ( زمري له ١٠مه) د لغمان والي عبدالجبار نعيمي پژواک اژانس ته وويل چې خلک بايد د ملي احساس له مخې خپل ښار او شاوخوا داستوګنې ځايونه پاک وساتي.

هغه زياته کړه، چې دی به تردې وروسته هره مياشت يوځل د لغمان ټول ښار څخه څارنه کوي.
نعيمي له ولسونو اوپه ښار کې له ټولو ښاريانو وغوښتل چې د ښار په پاکوالي کې له دوى سره مرسته وکړي.
د لغمان ښاروال حاجي عبدالله نيازي پژواک ته وويل چې دوى د ښار د پاکولو ترڅنګ ټولو لاس پلورونکو ته چې د سړ ک دواړو غاړو کې يې ګڼه ګونه رامنځ ته کړې مناسب ځايونه ټاکلي دي.

د هغه په وينا، له دغه کار سره به په دننه بازارکې د ګڼه ګوڼې مخه ونيول شي او ددې تر څنګ د لغمان ښار به پراختيا هم پيدا کړي.

د مهترلام ښار يو تن اوسېدونکي حاجي حفيظ الله د لغمان د والي او ښار والۍ له مسوولينو مننه وکړه چې د ښار د پاکولو لپاره يې مټې را بډ وهلې دي.

نوموړي له چارواکو وغوښتل چې له  ټولو لاس پلورنکو سره بايد له عدل څخه کار واخيستل شي.

 

غړي

You need to subscribe to view the full article. Please login or register a new account.