فيض اباد( پژواک، ٤ زمرى ٩٤): په فيض اباد ښار کې د هوا پېژندنې نوې دستګاه په نصب سره به د هوا حالت ، د موسمي اورښتونو کچه او د طبيعي پېښو په بېړه وړاندوينه وشي او له نورو هوايي ډګرونو سره به يې شريک کړي.
دا مطلب د بدخشان سرپرست والي شاه ولي الله اديب ددې دستګاه د پرانيستې په مراسمو کې څرګند کړ.
هغه وويل، دا دستګاه کولى شي چې د اقليمي وضعيت څرنګوالى او د احتمالي طبيعي پېښو خطرونه ډېر ژر په کره توګه وړاندې کړي.
والي زياته کړه چې ددې دستګاه له نصب وروسته به د فيض اباد هوايي ډګر کارکوونکي وتوانېږي ، څو د تر لاسه شو معلوماتو له مخې د الوتکو پروازونه عيار کړي.
اديب زياته کړه،چې ياده دستګاه د ملګرو ملتونو نړيوال خوراکي سازمان (WFP) له لوري د ١٦٠ زرو امريکايي ډالرو په وړيا مرسته ګټې اخيستنې ته وړاندې شوه.
په ورته وخت کې د فيض اباد هوايي ډګر امر عبدالاحد پژواک خبري اژانس ته وويل له پخوا کلونو څخه د هوا پېژندنې يوه دستګاه په هوايي ډګر کې لګېدلې وه،چې ډېرى وخت يې د هوا پېژندنې د بدلون په اړه اټکل کره نه و.
سرچينې د هوا پېژندنې نوې دستګاه له لګېدو څخه خوښي وښوده او زياته يې کړه چې ياده دستګاه کولى شي د هوا په اړه کره معلومات وړاندې کړي او د فيض اباد هوايي ډګر کارکوونکي به يې له نورو هوايي ډګرونو سره شريک کړي.
غړيYou need to subscribe to view the full article. Please login or register a new account.
