وسله والو نوى جوړېدونکى روغتون سوځولى

فيض اباد ( پژواک، ٢٣ زمرى ٩٤ ) : چارواکي وايي چې وسله والو مخالفينو په  بدخشان ولايت کې يو نوى جوړېدونکى روغتون سوځولى دى.

د بدخشان ولايت د امنيه قوماندانۍ د امنيت امر سمونوال سخي داد حيدري د زمري په ٢٣مه، پژواک خبري اژانس ته وويل چې دا پېښه تېره شپه ددې ولايت په تګاب ولسوالۍ کې رامنځته شوې.

هغه زياته کړه‌، سلګونو وسله والوطالبانو تېر ماښام په اوو  بجو ولسوالۍ ته پر نږدې امنيتي پوستو بريدونه پيل کړي وو، چې جګړې شپږ ساعته  دوام وکړ.‌

د نوموړي په وينا، ددې جګړې پر مهال امنيتي ځواکونو ته زيان نه دى اوښتى، خو دوه وسله وال بريدکوونکي وژل شوي او اووه تنه نور يې ژوبل شوي دي.

حيدري وويل چې د نښتې پر مهال د وسله والو مخالفينو له خوا فير شوې د راکټ څو مرمۍ د ولسوالۍ ودانۍ ته نږدې د نوې جوړېدونکي روغتون پر ودانۍ لګېدلي چې له امله يې ټوله ودانۍ سوځېدلې ده.

دامنيت امر وايي چې اوس په سيمه کې حالات سم دي او جګړه پاى ته رسېدلې ده.

وسله والو مخالفينو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.