منځپانګې ته تلل
چهارشنبه ۱۸ نومبر ۲۰۲۶ · کابل ۵:۱۷ غ.و
۱۰°صاف · ↑۱۴° ↓۱°د هوا کیفیت: منځنی
غړي

په هرات ښار کې بيا ٣٢ زده کوونکې او ښوونکې مسمومې شوې

· ۱ دقیقه لوستل · ۶۲ کتنې

هرات ښار(پژواک،١٤وږى٩٤): په هرات ولايت  کې د يوه  ښوونځي ٣٢ تنه  زده کوونکې نجونې او ښوونکې په داسې حال کې  مسمومې شوې  چې تېره اوونۍ هم په دې ولايت کې څه د پاسه درې سوه زده کوونکې او  ښوونکې مسمومې شوې وې .

د هرات ولايت د حوزوي روغتون وياند محمد رفيق شيرزي د وږي په ١٤مه پژواک خبري اژانس ته وويل چې نن له غرمې مخکې د ١١ بجو په شاوخوا کې د هرات ښار  نهمې ناحيې د پاى منار سيمې د عبدالعلي شاه توخي  لېسې ٢٨ زده کوونکې اوڅلور ښوونکې مسمومې شوې دي.

شيرزى وايي: (( امکان لري دغه شمېره نوره هم لوړه شي خو تر اوسه موږ ته يواځې ٣٢ تنه راوړل شوې دي.))

د هرات ولايت  چارواکي وايي چې په دې اړه يې پلټنې پيل کړي ، ترڅو د مسمومېدو اصلي لامل پيدا کړي.

د دې خبر نور جزئيات به وروسته خپاره شي.

دا په داسې حال کې ده چې تېره اوونۍ د هرات انجيل ولسوالۍ د حبيب المصطفى د نجونو ښوونځي ١٩٠ تنه او د هرات ښار د بابا جي لېسې ١٣٠ تنه زده کوونکې، ښوونکي او کارکوونکې مسمومې شوې وې.

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه