کلات (پژاک، ٢١ تله ٩٤): چارواکي وايي چې وسله والو مخالفينو په زابل ولايت کې د کابل- کندهار پر لويه لار يو لوى پول الوځولى دى.
د زابل د والي وياند ګل اسلام سيال د تلې په ٢١مه پژاک خبري اژانس ته وويل چې نن سهار د شاه جوى اړوند د بازرګان په سيمه کې وسله والو د کابل- کندهار د لويې لارې يو پول الوځولى دى.
د نوموړي په وينا، د دغه پول د نړېدو له امله د کابل- کندهار لويه لاره د يوې مودې لپاره بنده وه، خو د ملي اردو ځواکونو هلته استحکامي پول جوړ کړى دى او لاره بېرته پرانيستل شوه.
هغه زياته کړه چې د دې ولسوالۍ د حسن کارېز په سيمه کې د ملي اردو او وسله والو په جګړه کى يو طالب وژل شوى او وسله يې هم ترلاسه شوې ده.
د شاه جوى دوو اوسېدونکو نعيم او ميرزاخان وايي، د شاه جوى بازار د جګړې له وېرې تړل شوى او خلک په وېره کې دي.
خو د زابل د والي وياند وايي چې حالات تر کنټرول لاندې دي او ځيني دوکانونه د تبليغاتو له امله تړل شوي دي.
ده زياته کړه چې والي په خپله نن ښار ته وتلى و او د خلکو په منځ کې ګرځېده، هېڅ ستونزه نشته.
د زابل د امنيې قوماندانۍ يوې سرچينې پژواک ته وويل چې د کلات ختيځ ته د سپينې برګۍ او لوېديځ ته د پول سنګي په سيمو کې د پوليسو او وسله والو تر منځ جګړه روانه ده.
سرچينه وايي تر اوسه تلفات نشته خو لاره بنده ده.
د کلات- کندهار د لويي لارې د امنيتي کنډک مسوول غلام فاروق وايي چې د کلات لوېديځ ته د پول سنګي سيمه کې پيل شوې جګړه پاى ته ورسېده، څلور وسله وال وژل شوي چې د دوو جسدونه هم له دوى سره دي.
وسله والو مخالفينو تر اوسه په دې اړه څه نه دي ويلي.
د يادونې ده، وسله والو مخالفينو د يادې لويې لارې په اوږدو کې د غزني مرکز ته نږدې هم يو پول الوځولى او لاره يې له تېرو دوو ورځو راهيسې بنده کړې ده.
غړيYou need to subscribe to view the full article. Please login or register a new account.
