لښکرګاه(پژواک،۲۴لړم۹۴): د هلمند والي وايي چې يواځې د کرنې په برخه کې ددې ولايت لپاره زر پروژې منظورې شوي چې ډير ژر به يې د پلې کېدو چارې پيل شي.
د هلمند والي ميرزاخان رحيمي د لړم په ٢٤مه خبريالانو ته وويل چې د يادو پروژو وړاندېز د ولايتي ادارې او قومي مشرانو له خوا شوى و چې د وزارت له لوري هم ومنل شو .
د هغه د معلوماتو له مخې، په دې پروژو کې اصلاح شوي تخمونه، سړې خونې، کرنيز فارمونه، ويالې، باغونه او کرنيزو حاصلاتو ته د مارکېټونو جوړول شامل دي.
ده وويل چې په دې پروژو کې يوه هم د کجکي له برېښنا بند څخه د اوبو د يوه کانال ايستل دي چې نږدې ١٥زره جريبه ځمکه به خړوبه کړي.
هغه د يوې پوښتنې په ځواب کې وويل : (( دغه پروژې د خلکو په غوښتنه شوي او په کومو سيمو کې چې امنيت نه وي هلته به امنيت ټينګ شي ترڅو پروژې پلې شي.))
ده وويل چې د خلکو په خوښه پلې کېدونکې پروژې ډيرى وخت له امنيتي ستونزو سره نه مخ کيږي.
رحيمي دا هم وويل چې د برېښنا وزارت له لوري هم په دې ولايت کې د برېښنا د کوچنيو توربينونو د نصبولو پروژې منظورې شوې دي.
ده وويل چې د برېښنا د يادو پروژو په پلې کېدو سره به هغو کورنيو ته برېښنا ورکړل شي چې اوسمهال برېښنا نه لري.
والي وويل چې د پوهنې او روغتيا برخو د يو شمېر پروژو وړانديزونه کابل ته استول شوي دي.
د والي د يادو څرګندونو په اړه د هلمند د ولايتي شورا مرستيال عبدالمجيد اخندزاده پژواک وويل چې د پروژو د پلي کولو لپاره لومړى بايد امنيت تامين شي ، ځکه له امنيت پرته يې پلې کېدل ناشوني دي.
هغه د بېلګې په توګه وويل : (( د هلمند په ډيرو ولسواليو کې امنيت ښه نه دى نو هلته څنګه شونې ده چې پروژې پلې شي.))
د اخندزاده په اند، په کومو سيمو کې چې امنيت شتون ونه لري هلته بايد پروژې پلې نه شي ځکه چې بيا فساد په کې کيږي.
دا په داسې حال کې ده چې په دې وروستيو کې د هلمند د مرکز لښکرګاه په ګډون په نادعلي، ګرشک، موسى کلا، کجکي، مارجه او ځينو نورو ولسواليو کې د امنيتي ځواکونو او وسله والو طالبانو ترمنځ نښتې روانې دي.
غړيYou need to subscribe to view the full article. Please login or register a new account.
