کابل (پژواک ٤ سلواغه ٩٤): د امريکا نړيوالې پراختيايي ادارې ويلي، د پوهنې وزارت ته ١٨،٥ ميليون ډالره ځانګړې شوې پيسې د ياد وزارت په واک کې نه ورکوي او دغه پيسې به د کار ملي پروګرام په چوکاټ کې د کاري فرصتونو د رامنځته کولو په برخه کې ولګوي.
د امريکا نړيوالې پراختيايي ادارې (USAID) له لوري پژواک خبري اژانس ته په رالېږل شوې خبرپاڼه کې راغلي، چې دغه ګام د پوهنې له وزارت سره په تفاهم کې اخيستل شوى دى.
په يادې خبرپاڼه کې راغلي، چې د افغان حکومت "د سولې لپاره کاري پروګرام" څخه د ملاتړ لپاره د يادې ادارې استازي د پوهنې له وزير سره دې هوکړې ته رسېدلى، چې د افغانسان د بشري ځواک د پراختيا پروګرام (AWDP) ته ځانګړې شوې پيسو باندې له سره غور وکړي، څو دغه پيسې په افغانستان کې د کاري فرصتونو رامنځته کولو برخې ته ځانګړې کړي.
د امريکا نړيوالې پراختيايي ادارې ويلي: "د کاري زمينې د رامنځته کولو له ګډې موخې څخه د ملاتړ لپاره دغې ادارې، د افغانستان له بشري ځواک پراختيايي پروګرام ١٨،٥ ميليون ډالره له مستقمي او اختياري بوديجې ايستلي دي. دواړو لوريو د يوه مکتوب په ترڅ کې د روان کال د مرغومي مياشتې په ٦مه نېټه هوکړه وکړه، چې په کمه موده کې د ډېرو کاري فرصتونو رامنځته کول، د دواړو لوريو په ګټه دي."
د خبرپاڼې پربنسټ، د ١٣٩٢ لمريز کال په منځهمال کې دې ادارې ژمنه کړې وه، څو د پوهنې وزارت ته د مستقيمې مرستې له لارې٣٠ ميليون ډالره ورکړي، څو د بشري ځواک د پياوړتيا پروګرام د بشپړېدو په موخه دغه وزارت د ١٣٩٥ لمريز کال د وري مياشتې تر منځمهاله لورې وکولى شي چې روزنيز پروګرامونه طرحه او قرارداد کړي، چې په افغانستان کې د کار بازار اوسنيو اړتياوو ته ځواب ووايي.
ويل کېږي چې د پوهنې وزارت له هغې مودې راهيسې يو ميليون او ٤٠٠زره ډالره لګولي او پر بنسټ يې له کورنيو بنسټونو سره د روزنيزو خدمتونو د وړاندې کولو په موخه ١١ قراردادونه لاسليک کړي دي.
خو د امريکا نړيوالې پراختيايي ادارې يادې موضوع ته اشارې سره څرګنده کړې، چې له ځانګړې شويو پيسو ايستل شوې برخه به د کار ملي پروګرام په چوکاټ کې د زياتو کاري فرصتونو د رامنځته کولو په برخه کې ولګوي.
د پوهنې وزارت وياند له ژمنې سره بيا هم دې ته حاضر نه شو، څو په دې اړه خپل نظر وړاندې کړي.
غړيYou need to subscribe to view the full article. Please login or register a new account.
