منځپانګې ته تلل
چهارشنبه ۱۸ نومبر ۲۰۲۶ · کابل ۴:۰۵ غ.و
۱۴°صاف · ↑۱۴° ↓۱°د هوا کیفیت: منځنی
غړي

په غور کې يو مسموم شوى زده کوونکى مړ شو

· ۱ دقیقه لوستل · ۶۹ کتنې

فيروزکوه(پژواک،٢٤ ورى ٩٥): د غور ولايت ځايي چارواکي وايي چې په دې ولايت کې د پنځو مسموم شوو زده کوونکو له ډلې يو مړشوى دى.

دغه زده کوونکي چې د سلطان علاء الدين غوري د لېسې په ليليه کې اوسېدل، تېره شپه شاوخوا ٩ بجې د ډوډۍ له خوړلو وروسته مسموم شول.

دغور ولايت د پوهنې رييس صبغت الله اکبري وويل چې د مسموم شوو له ډلې يو لطف الله نومېده چې د غور ولايت د پسابند ولسوالۍ اوسېدونکى او د يادې لېسې د يوولسم ټولګي زده کوونکى و چې روغتون ته له رسېدو وړاندې يې ساه ورکړه، خو د څلورو نورو روغتيايي وضعيت ښه دى.

هغه زياته کړه ، تر اوسه روښانه نه ده چې دا زده کوونکي د خوړو په سبب مسموم شوي او که بل څه يې د مسموميت سبب ګرځېدلي، ځکه چې همدا ډوډۍ ٥٠٠ نورو زده کوونکو هم خوړلې، خو هغوى نه دي مسموم شوي.

د غور د پوهنې رييس وويل چې په دې اړه د پوليسو څېړنې پيل شوې او ددې پېښې په تړاو يې د اشپز او ګومارل شوو کارکوونکو په ګډون ١٠ کسان نيولې دي.

 

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه