اسعد اباد (پژواک، ١٤ غويى ٩٥): د کونړ په مرکز او ولسوالیو کې د ملي پیوستون پروګرام له لارې د ٣٤٨ پروژې د بيارغولو چارې پيل شوې.
د کونړ والي وحیدالله کلیمزي چې د یادو پروژو پرانیسته يې د خاص کونړ په ولسوالۍ کې وکړه، وویل چې د دې پروژو چارې د کونړ په مرکز اسعد اباد، څوکۍ، خاص کونړ، مرورې، نرنګ او شیګل ولسواليو کې د کليوالي شوراګانو په مټ ترسره کېږي.
ده زياته کړه، د دې پروژو ټول مالي لګښت ۱۵۵،۴ میلیونه افغانۍ کېږي، چې د کلیو د پراختیا وزارت د ملي پیوستون پروګرام له لوري ورکول کېږي.
د هغه په وينا، په دې پروژو کې به له شل زره زیاتو کسانو ته د کار کولو موقع برابره شي او ۵۹۶۱۲ کورنۍ به ترې ګټه پورته کړي.
د کونړ والي وايي، په دې پروژو کې زیاتره د سړکونو ترمیم، د ويالو، کوڅو، سربندونو او پولګوټو بيارغول شامل دي او چارې به يې د درې میاشتو په موده بشپړې شي.
نوموړي له خلکو وغوښتل چې د خپلو پروژو په پلي کېدو کې په سمه توګه کار وکړي، ترڅو د هر ډول فساد مخه په کې ونیسي.
د خاص کونړ یوه اوسېدونکي ملک طاووس خان پژواک خبري اژانس ته وویل، د ملي پیوستون ټولې پروژې د ولس په خوښه او د ولس د اړتیا له مخې ټاکل شوې دي.
ده زیاته کړه، د خاص کونړ ولسوالۍ ټول ولسونه د ملي پیوستون د پروګرامونو ملاتړ کوي او هڅه کوي، له ورکړل شوې بودیجې نه ښه ګټه پورته کړي او ډېر کار وکړي.
غړيYou need to subscribe to view the full article. Please login or register a new account.
