منځپانګې ته تلل
چهارشنبه ۱۸ نومبر ۲۰۲۶ · کابل ۳:۴۶ غ.و
۱۴°صاف · ↑۱۴° ↓۱°د هوا کیفیت: منځنی
غړي

د کونړ د سوځول شوو ښوونځیو زده کوونکو ته زده کړې روانې دي

· ۲ دقیقې لوستل · ۷۶ کتنې

اسعداباد (پژواک، ٣ غبرګولى ٩٥): د کونړ د پوهنې چارواکي وايي چې د وسله والو مخالفينو له خوا په له منځه وړل شوو ښوونځيو کې درسي بهير روان دى.

وسله والو مخالفينو تېره اونۍ د کونړ په ماڼوګي ولسوالۍ کې د نجونو او هلکانو دوه ښوونځي پر بمونو والوځول او دوه نور يې سوځولي وو.

د کونړ د ښوونې او روزنې رييس سيد جمال الدين حسني وايي چې په يادو ښوونځيو کې د ٨٦٠ نجونو په ګډون ٢٢٢٨ زده کوونکي  زده کړې کوي.

هغه زياته کړه چې تر يادې پېښې وروسته يواځې د يوه ورځ لپاره درسي بهير تړل شوى و، خو تر هغې وروسته په نورمال حالت کې زده کوونکي خپلو زده کړو ته ادامه ورکوي.

د نوموړي په وينا، له پېښې دوه ورځې وروسته د پوهنې رياست له خوا يادو ښوونځيو ته ١٥ خېمې، ٥٠ تورې تختې، ٥٠ د ناستې فرشونه او زده کوونکو لپاره ١٤٥٠ بکسې ورکړل شوې.

حسني وويل چې د سيمې قومي مشرانو سره يې خبرې کړې او هغوى ورسره د ښوونځيو دامنيت په ساتلو کې د همکارۍ ډاډ ورکړى دى.

د یادونې ده چې په کونړ کې ۵۱۲ بابه ښوونځي شتون لري چې  تر اوسه هېڅ يو ښوونځی د زده کوونکو پر مخ نه دی تړل شوی.

تر اوسه کومې وسله وال ډلې د يادو ښوونځيو د له منځه وړو په اړه څه نه دي ويلي، خو د دغه ولايت امنيتي چارواکو ويلي چې د احرار په نوم پاکستانيو وسله والو دغه کار کړى دى.

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه