ګردېز (پژواک، ٢ چنګاښ ٩٥): د پکتيا په مرکز ګردېز ښار کې د ٢١ ميليونه افغانيو په لګښت د سړک جوړونې چارې پيل شوې.
د پکتيا والي نصرت الله ارسلا د دې پروژې د پرانيستې پر مهال وويل چې د دغه سړک په جوړېدو سره به په ښار کې ډېرې ستونزې را کمې شي.
د هغه د معلوماتو له مخې، دغه سړک نږدې ٦ کيلومتره اوږدولى لري چې پر جوړېدو به يې ٢١ ميليونه افغانۍ ولګول شي.
هغه وايي چې د دغه سړک مالي لګښت د ښاروالۍ له لوري ورکول کېږي او چارې به يې په درېيو مياشتو کې بشپړې شي.
ارسلا زياته کړه: ((ښاروالي د سږ کال په اوږدو کې ۱۵ پروژې لري چې د ښار په بېلابېلو برخو کې به عملي کېږي چې يوه پروژه يې دا ده د سړک جوړول دي چې موږ پيل کړه چې ۵۹۶۶ متره اوږدوالى لري چې په ښار کې جوړېږي.))
د ګردېز ښاروال انجنير عصمت الله خالد وويل چې د دې پروژو په پلې کېدو سره به د ښار په بڼه کې مثبت بدلون راشي او د ښار ښکلا به نوره هم زياته شي.
هغه وويل چې د دغه سړک دواړو خواوو ته ويالې او په ځينو سيمو کې پلګوټي هم په اساسي ډول رغول کېږي.
ده وويل: ((دغه سړک او پلچکونه په اساسي ډول جوړېږي، هره ورځ به د ښاروالي او ولايتي ادارې تخنيکې ډله له دې پروژو څخه څارنه کوي، تر څو دغه کار په ښه کيفيت ترسره شي.))
ښاروال وايي چې په راتلونکو څو ورځو کې به د ګردېز په ښار کې د يو شمېر نورو ټولګټو پروژو پرانيسته هم وشي.
د ګردېز ښار اوسېدونکي محمد يوسف پژواک ته وويل، کومې پروژې چې د سړک جوړونې په برخه کې ترسره شوې کيفيت يې ډېر ټيټ او دا مهال بيارغونې ته اړتيا لري.
هغه د ولايتي شورا او مدني ټولنو څخه په کلکه غوښتنه وکړه چې له دې ډول پروژو جدي څارنه وکړي.
غړيYou need to subscribe to view the full article. Please login or register a new account.
