فراه (پژواک، ۴ چنګاښ۹۵): وسلوالو طالبانو د فراه ولایت د پشت کوه ولسوالۍ د ملي امنیت پخوانی مدیر او د هغه یو ساتونکی يې تر وژلو وروسته په دار ځړولي دي.
د پشت کوه ولسوال عزت الله عزت د چنګاښ په ۴مه، پژواک خبري اژانس ته وویل، چې دغه پیښه نن غرمه پر یوه بجه د پشت کوه د محمد اباد په سیمه کې رامنځته شوې ده.
هغه زیاته کړه،چې همایون روفی یو نیم کال مخکی د پشت کوه په ولسوالۍ کې د ملي امنیت مدیر و، خو اوسمهال د فراه ولایت د ملي امنیت په ریاست کې مدیر وو.
د نوموړي په وینا، رووفی ، نن د خپل یو ساتونکي سره په یوه شخصی موټر کې پشت کوه ولسوالۍ لوري ته روان و، چې د محمد اباد په سیمه کې د طالبانو په کمین کې ولویدل.
ولسوال وایي، وسله والو طالبانو همایون روفي او ساتونکي يې لومړی وژلي او بیا يې جسدونه خاک سفید ولسوالې ته وړي او هلته یې په عام محضر کې په دار ځړولي دي.
د محمد اباد د کلي اوسېدونکي عبدالغني بیا پژوک خبري اژانس ته وویل چې د پشت کوه ولسوالۍ د ملي امنیت پخواني مدیر همایون روفی نن غرمه د محمد اباد دکلي یو تن یې ښتولي وو او غوښتل يې چې بلې سیمې ته ولیږدوي.
دهغه په وینا، د لارې په مسیر کې طالبانو د هغه مخه نیولي او تښتول شوي کس خوشې کوي خو همایون رووفي او ساتونکي يې وژني.
وسله والو طالبانو لا تر اوسه په دې هکله څه ندي ویلي.
غړيYou need to subscribe to view the full article. Please login or register a new account.
