کلات (پژواک، ١٤ چنګاښ ٩٥): چارواکي وايي چې په زابل ولايت کې د يوې چاودنې له امله د ١١ ځانمرګو بريدګرو په ګډون ٢٤ وسله وال وژل شوي دي.
د زابل د امنيې قومندانۍ د امنيت امر ډګروال غلام جيلاني فراهي د چنګاښ په ١٤مه پژواک خبري اژانس ته وويل چې د دوى د کشفي او سيمه ييزو معلوماتو پر اساس نن سهار د زابل په خاک افغان ولسوالۍ کې پر طالبانو چاودنه شوې ده.
هغه زياته کړه، دا چاودنه د يادې ولسوالۍ په تنګي کلي کې پر هغو طالبانو شوې چې ځانمرګي بريدګر يې روزل.
د نوموړي په وينا، په دې چاودنه کې د ١١ ځانمرګو په ګډون ٢٤ وسله وال وژل شوي دي.
د فراهي د معلوماتو له مخې، د روزنې پر مهال پر دوى له چاودېدونکو توکو ډک واسکټونه چاودېدلي دي.
دى وايي چې په دې چاودنه کې هغوى ګڼې وسلې او مهمات هم له منځه وړل شوي دي.
د امنيت امر وويل چې په وژل شوو کې د طالبانو د خاک افغان ولسوال او يو شمېر بهرني وسله وال هم شامل دي.
وسله والو طالبانو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.
