تالقان(پژواک، ۲۸ زمرى ۹۵): د تخار د درقد ولسوالۍ اوسېدونکي وايي چې وسله والو مخالفينو له څلورو ورځو راهيسې دغه ولسوالي کلابند کړې او تالقانو ته تللې لارې يې هم تړلې دي.
د يادې ولسوالۍ اوسېدونکي نجيب الله پژواک خبري اژانس ته وايي چې په القناق سيمه کې وسله والو مخالفينو په عمومي سړک کې ماينونه ايښي او د خواجه بهاالدين په سيمه کې يې دغه لار تړلې ده.
هغه زياتوي،که حالت همداسې دوام وکړي درقد ولسوالي د به وسله والو مخالفينو لاس ته ولوېږي او په دغه ښار کې به شته امنيتي ځواکونه له بد برخليک سره مخ شي.
په همدې مهال بيا د تخار د امنيې قوماندانۍ وياند سمونيار عبدالخليل اسير وايي چې ددغې کلابندۍ د ماتولو لپاره له پرون راهيسې د امنيتي ځواکونو عمليات دوام لري.
اسير وايي چې طالبانو په القناق سيمه کې په سړک کې ماينونه خښ کړي چې را ايستل يې د امنيتي ځواکونو لپاره په جنګي ساحه ستونزه جوړه کړې.
دی وايي چې ددغو عملياتو په لړ کې ۷ طالبانو ته مرګ ژوبله اوښتې او ۳ سيمه ييز هم ټپيان شوي دي.
نوموړی وايي چې دوی هڅه کوي دغه لار ډېر ژر پرانيزي.
د هغه په خبره، چې درې سوه امنيتي ځواکونه په درقد کې له طالبانو سره په جګړه بوخت دي.
د ځايي اوسېدونکو په خبره، چې د درقد ۸۰ سلنه ساحه د وسله والو طالبانو تر ولکې لاندې ده او دغه ولسوالۍ يواځې خواجه بهاالدين ته لار لري او بس.
غړيYou need to subscribe to view the full article. Please login or register a new account.
