په بغلان کې د لفظي شخړې له امله يو ځوان ووژل شو

پلخمري (پژواک،٢٧لړم ٩٥): په بغلان کې يو ځوان هلک د امنيه قوماندان له ساتوونکو سره ديوه بل کس په جګړه کې  ووژل شو.

د پلخمري ښار دششصد کوټي سيمې اوسېدونکي احمدشاه پژواک خبري اژانس ته وويل چې دا نښته نن له غرمې وروسته شاوخوا ٢ بجې د بغلان د امنيه قوماندان کور مخ ته رامنځ ته شوه.

 ياد عيني شاهد زياته کړه :"يو ملکي کس د بغلان امنيه قوماندان پاسوال غلام مصطفى محسني له ساتوونکو سره لفظي شخړه وکړه او وروسته يې د يو ساتوونکي وسله ترې واخيسته، ددې شخړې په ترڅ کې ډزې وشوې او يوځوان په کې ووژل شو."

هغه په ډاګه کړه چې له پېښې څخه څو شيبې وروسته، پوليس سيمې ته راغلل او د ښکېلوغاړو دوه کسان يې له ځان سره بوتلل.

 د بغلان پوليسو امنيت امر اميرګل حسين خيل وويل چې دوه ملکي کسان د بغلان امنيه قوماندان د کور له ساتوونکو سره خپلو کې اخته شول چې د شخړې له امله، يو تن ووژل شو او بغلان پوليسو ددې نښتې په تړاو دوه کسان نيولي دي.

غړي

You need to subscribe to view the full article. Please login or register a new account.