اسعد اباد (پژواک، ٢١ سلواغه ٩٥): په کونړ کې د کوچيانو چارو د سمون امريت لپاره نوې ودانۍ جوړه او ګټې اخيستنې ته وسپارل شوه.
د دې ودانۍ په پرانيستنې کې د کوچيانو چارو د خپلواک رياست مشر دلاور فيضان، په ولسي جرګه کې د کوچيانو استازي يوسف صابر او د کونړ والي وحيدالله کليمزي برخه اخيستې وه.
په کونړ کې د کوچیانو چارو د سمون امر محمد شریف په دې اړه جوړه شوې غونډه کې وویل، دا ودانۍ د کوچيانو چارو د خپلواک رياست د ١١،٧ ميليونه افغانيو په لګښت په دوه جريبه ځمکه کې په يوه پوړ کې جوړه شوې ده.
ده زياته کړه، د کونړ په بېلابېلو ولسواليو کې څه باندې درې زره کورنۍ کوچيان مېشت دي، چې له نورو قومونو سره يې همغږي ډېره ښه ده.
د کوچیانو خپلواک ریاست مشر دلاور فیضان وويل، د کوچیانو د پرمختګ لپاره يې ډېر پروګرامونه پیل کړي چې په تر سره کېدو سره به يې تر ډېره د کوچي قوم ستونزې هوارې شي.
نوموړي د کونړ په کوچيانو غږ وکړ چې له دولت او په ځانګړې توګه امنيتي ځواکونو سره د امنيت په ټينګښټ کې په رښتينې توګه همکاري وکړي.
د يوه بل خبر له مخې، د کونړ په شيګل ولسوالۍ کې د دوو ښوونځيو د ودانيو او د پاکو اوبو رسولو د پروژې چارې بشپړې شوې.
د سويډن کمېټې د پروګرامونو د تنظيم او تطبيق مسوول ډاکټر فهيم، پژواک اژانس ته وويل پردې ټولو پروژو چې د دوى له خوا ترسره شوي، شپږ ميليونه افغانۍ لګښت راغلى دى.
غړيYou need to subscribe to view the full article. Please login or register a new account.
