زابل کې دوو پوليسو خپل اته ملګري پوليس وژلي

کلات (پژواک، ٢١ کب ٩٥) : چارواکي وايي، چې په زابل ولايت کې دوو سيمه ييزو پوليسو خپل اته ملګري وژلي دي.

د زابل والي بسم الله افغانمل د کب په ٢١مه، د دې پېښې د تاييد ترڅنګ پژواک اژانس ته وويل، چې دا پېښه پرون ناوخته ددې ولايت په شينکۍ ولسوالۍ کې رامنځته شوې وه.

هغه زياته کړه، چې د شينکۍ او سيوري ولسواليو پر سرحدي سيمه دوو تنوسيمه ييز پوليسو چې له وسله والو طالبانو سره يې اړيکې درلودلې، خپل اته ملګري پوليس لومړى مسموم کړي او بيا يې وژلي دي.

الله افغانمل وايي، چې بريدګرو د طالبانو سره لاس درلود او د تېښتې په وخت کې يې وسلې هم له ځانه سره وړي دي.

دغه پوسته د شينکۍ ولسوالۍ د لوي ښاره په سيمه کی د کلات شينکۍ پر لويه لاره پرته ده.

وسله والو طالبانو تر اوسه په دې اړه څه نه دي ويلي.

 

غړي

You need to subscribe to view the full article. Please login or register a new account.