فراه (پژواک، ٦ غويى ٩٦): د فراه ولايت د مرکز او جوين ولسوالۍ تر منح ٣٣ کيلومتره سړک چې مرکز له يادې ولسوالۍ سره نښلوي او د ٤٧١ ميليونه ډالرو په لګښت پوخ شوى، نن ګټې اخيستنې ته وسپارل شو.
د دغه سړک د پرانيستې په مراسمو کې چې د ولايت د مرکز په نوده سيمه کې جوړ شوی دی، د عامه ګټو وزير محمود بليغ، د فراه والي ډاکتر محمدعارف شاه جهان، د فراه ولايتي شورا غړو او د ځايي ادارو چارواکو ګډون کړى و.
د عامه ګټو وزير وويل چې دغه سړک ٩ متره پلنوالى لري او د رغونې کار به يې په يوه نيم کال کې د دولت د بوديجې له لارې بشپړ شي.
ځايي چارواکي هم د يادې پروژې له ترسره کېدو خوشحاله دي.
د جوين ولسوالۍ د مرکز اوسېدونيک بسم الله جويني پژواک خبري اژانس ته وويل چې موټرو به پخوا دا فاصله له درې نيمو ساعتونو کې وهله؛ ځکه چې سړک خام و خو اوس کولى شي چې دا لاره په يوه ساعت کې ووهي.
هغه زياته کړه: ((موږ خوښ يو، له دولته مننه کوو چې د دغه لارې په جوړولو سره يې موږ ته ګڼې اسانتياوې برابرې کړې.))
په ورته وخت کې د فراه والي ډاکتر محمد عارف شاه جهان د عامه ګټو له وزارت نه په مننې له دولته وغوښتل چې د دغه ولايت د واټونو رغونې ته ډېره پاملرنه وکړي.
د عامه ګټو وزير وويل، ټاکل شوې چې ډېر ژر به د ٣٥ کيلومترو په اوږدوالي سره د شيخ ابو نصر فراهي بندر د ترانزيټي سړک د پخولو چارې، د ښار په څنډه کې د باغ پل څلور کيلومترخ سړک، د بخش اباد د ٣٧ کيلومتره سړک او د فراه ښار د شاوخوا ١٢ کيلومتره نورو بېلابېلو سړکونو کار پيل شي.
د فراه ولايت د عامه ګټو رياست مرستيال انجنير محمد سليم فراهي وويل چې د مرکز د سړک کار چې تر انار درې ولسوالۍ پورې دى، څه باندې اتيا سلنه کار يې بشپړ شوى دى.
غړيYou need to subscribe to view the full article. Please login or register a new account.
