لغمان کې د یوه کور پنځه ماشومان وژل شوي

مهترلام (پژواک، ٢٤ غويى ٩٦): چارواکي وايي، په لغمان کې د وسله والو مخالفينو په يوه بريد کې پنځه ماشومان وژل شوي دي.

د لغمان د والي وياند سرحدي ځواک د غويي په ٢٤مه پژواک خبري اژانس ته وويل، دا پېښه نن له غرمې وروسته شاوخوا يوه بجه د ولايت د مرکز مهترلام ښار اړوند د عمرزيو په سيمه کې شوې ده.

هغه زياته کړه، د وسله والو مخالفينو له لوري د هاوان يوه توغول شوې مرمۍ په ياده سيمه کې پر یوه کور لګېدلې چې له امله يې پنځه ماشومان وژل شوي او دوه نور ټپيان دي.

ځواک وايي، ټپيان د مهترلام ملکي روغتون ته وړل شوي او روغتيايي حالت يې د ډاډ وړ ښودل شوى دى.

د لغمان والي عبدالجبار نعيمي د وسله والو مخالفينو دغه ترهګريز بريد په کلکه غندلى  او کشفي ارګانونو ته يې امر کړى چې د پېښې عاملين ونيسي او د قانون منګولو ته يې وسپاري.

وسله والو مخالفينو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.