پل علم (پژواک، ٢٢ چنګاښ ٩٦) : په لوګر ولايت کې د ۴۵ ميليونه افغانيو په لګښت يو ستر عصري او مجهز جمنازيوم جوړ او ګټې اخیستنې ته وسپارل شو.
د لوګر د والي وياند سليم صالح د چنګاښ په ٢٢مه پژواک خبري اژانس ته وويل، چې د ۵۰۰ کسانو په ظرفيت دا جمنازيوم په دوو پوړو کې جوړ شوى دى.
هغه زياته کړه چې د دغه جمنانزيم د پرانيستې په مراسمو کې والي محمد حليم فدايي د بدني روزنې او ورزش د لوی ریاست استازوو، ځايي مسوولينو او لوبغاړو برخه اخيستې وه.
د والي وياند وايي چې دغه جمنازیوم په یونیم جریب ځمکه کې د بدني روزنې او سپورت لوی ریاست په مالي لګښت په دوو کالونو کې د ۴۵ میلونه افغانیو په لګښت جوړ شوى دى.
د نوموړي په وينا، جمنازيم کې ١١ خونې ، يو لوی هال جوړ شوى، چې له کرکټ پرته پکې ګڼ شمېر لوبې به کېږي.
د لوګر والي محمد حليم فدايي، د دې پروژې د پرانيستې پر مهال وويل چې د دې ولايت لوبغاړو پخوا د لوبو لپاره معياري ځاى نه درلود.
هغه زياته کړه چې دې پروژې پرانستې سره به اوس د دغه ولايت لوبغاړي وکولى شي چې په ټولو عصري وسايلو او اسانتياوو سمبال جمنازيم څخه ګټه پورته کوي.
غړيYou need to subscribe to view the full article. Please login or register a new account.
