کابل (پژواک، ٨ زمرى ٩٦): د ملکي هوايي چلند خپلواکې اداره د الوتنو د خونديتوب لپاره د هوايي کرښو پر مسير پر جوړو شوو لوړ پوړو ودانيو او تاسيساتو نښې او څراغونه لګوي.
د يادې ادارې له لوري نن پژواک خبري اژانس ته په يوه را استول شوې خبرپاڼه کې راغلي چې دا کړنلاره په دې وروستيو کې د ملکي هوايي چلند خپلواکې ادارې له لوري تنظيم شوې وه چې د بېلابېلو دولتي ارګانونو د استازو له لوري و ارزول شوه.
خبرپاڼه زياتوي چې د ملکي هوايي چلند د خپلواکې ادارې د مرستيال محمد قاسم وفايي زاده په مشرۍ ناسته کې چې د کورنيو چارو، مخابراتو، اطلاعاتو او کلتور، اوبو او برېښنا، ښار جوړونې، سيمه ييزو ارګانونو، کابل ښاروالۍ، دفاع وزارت هوايي ځواکونو استازو په کې ګډون درلود، د الوتکو او چورلکو د مسير په اوږدو کې د الوتنو د خونديتوب په موخه پر ودانيو، لوړپوړو تاسيساتو د نښو او څراغونو لګول يوه مهمه اړتيا ده.
وفايي زاده وويل چې د دې طرحې په نهايي کېدو سره به د ښارونو او هوايي ډګر ته نږدې ودانيو له پاسه د الوتنو امنيت خوندي او ډاډمن شي.
د ملکي هوايي چلند ادارې چارواکو د معلوماتو له مخې، دغه ګام د نړيوال هوايي چلند سازمان يا ايکاو د خونديتوب د معيارونو د پلي کولو په برخه کې يو غوره ګام ګڼل کېږي چې د اړوندو ارګانونو له نظرياتو او ملکي هوايي چلند خپلواکي ادارې له منظورۍ وروسته پلى شي.
غړيYou need to subscribe to view the full article. Please login or register a new account.
