جلال اباد (پژواک ۱٧ زمری ۹۶): د ننګرهار په مومندرې، دوربابا او روداتو ولسواليو کې د کلیو پراختیا او بیارغونې ریاست له لوري د پنځوسو ميليونو افعانيو په ارزښت د سړک جوړونې او اوبو رسونې بېلابېلې پروژې پيلېږي.
په يادو پروژو کې د مومندرې ولسوالۍ د يوه سړک جغل اندازي او په دوربابا او روداتو کې د اوبو رسولو د پنځو شبکو جوړول شامل دي.
د ننګرهار ولايت د رسنيو له دفتر څخه د زمري په ۱۶مه پژواک خبري اژانس ته په را استول شوې خبرپاڼه کې د کلیو پراختیا او بیارغونې ريیس مجیب الرحمن ضیا له قوله راغلي چې د مومندرې ولسوالۍ لپاره ياد سړک به د ٣٧ میلیونه څلورسوه شپږ اتیا زره افغانیو په مالي لګښت د قرارداد له مخې د لسو کلیوالي شوراګانو په همکارۍ جوړ شي .
هغه زیاته کړه، ياد سړک به د درې میاشتو په موده کې جوړ شي او کلیوالي شوراګانې دنده لري، چې د قرارداد له مخې چارې ترسره کړي .
د یوه بل خبر له مخې، له کلیوالي پرمختیایي شوراګانو سره د شاوخوا ۱۳ میلیونه افغانیو په لګښت په دوربابا او روداتو ولسوالیو کې د اوبو رسولو د پنځو شبکو قراردادونه لاسلیک شول.
د کليو پراختيا رييس په دې اړه وويل، چې د کلیو پراختیا او بیارغونې وزیر تر منظورۍ وروسته به د دغو پروژو عملي چارې پیل شي او په بشپړیدو سره به ترې ۱۴ زره کورنۍ ګټه واخلي.
غړيYou need to subscribe to view the full article. Please login or register a new account.
