کابل (پژواک، ١٦ تله ٩٦): د کليو او پراختيا وزارت ويلي، چې په تېرو دريو کلونو کې ياد وزارت د ٩١٦ مليون ډالرو په لګښت نږدې ٤١ پراختيايي پروژې عملي کړې، خو لا هم د کليو او بانډو ٤٠ سلنه خلک د نښلوونکو لارو له اسانتيا محروم دي.
د کليو او پراختيا وزارت وياند اکبر رستمي نن په کابل کې د يوې خبري ناستې پر مهال وويل چې په يادو درېيو کلونو کې د ترانسپورټ، اوبو لګولو، برېښنا رسولو، ښوونې او روزنې، روغتيا، اوسېدو، د کليو پراختيا، د کليو د اقتصادي پرمختګ، ټولنيز خونديتوب، د سولې لپاره د کار موندنې، اوبو رسولو او د چاپېريال ساتنې په برخه کې ٤٠ زره او ٩٦٧ پروژې عملي شوې دي.
نوموړي د دغو ټولو پروژو ټوليز لګښت له ٩١٦ مليون ډالرو زيات وباله او زياته يې کړه، چې له دغو پروژو څخه د هېواد په ٣٤ ولايتونو، ٣٨١ ولسواليو، له ١٨ زره او ٦٠٠ زياتو کليو کې شاوخوا ١١ ميليونه او ٣٠٠ کليوال برخمن شوي دي.
د کليو او پراختيا وزارت وياند وويل، چې له ټولو عملي شوو پروژو شا وخوا اته زره پروژې، د سړک جوړونې دي.
د هغه په وينا، اوسمهال شا وخوا ٦٠ سلنه هېوادوال نښلېدونکو لارو ته لاسرسى لري او پاتې ٤٠ سلنه يې بيا له دې نعمت محروم دي، خو هڅه کېږي چې تر راتلونکو څلورو کلونو پورې دغه ستونزې تر يوه حده حل کړي.
نوموړي د ټولګټو پروژو د عملي کولو پر وړاندې عمده خنډ وسله وال مخالفين وبلل او ويې ويل، وسله وال هڅه کوي چې د دا ډول پروژو مخه ونيسي او له امله يې يو شمېر پروژې له عملي کېدو پاتې کېږي او د دوى دا ډول کړنې ښيي چې دوى نه يوازې د خلکو، بلکې د عامه ګټو د پروژو دښمنان هم دي.
غړيYou need to subscribe to view the full article. Please login or register a new account.
