لښکرګاه (پژواک، ٢٩ لړم ٩٦): د هلمند په مارجې ولسوالۍ کې ځانمرګى بريد شوى چې له امله يې دوه پوليس سرتېري برسېرن ټپيان شوي دي.
د هلمند د امنيې قوماندانۍ وياند دويم ځارن عبدالسلام افغان د لړم په ٢٩مه پژواک خبري اژانس ته وويل چې تېره شپه لس بجې د مارجې ولسوالۍ د امنيې قوماندانۍ د قراول مخې ته ځانمرګى بريد شوى دى.
هغه وايي چې په دغه بريد کې يواځې دوه پوليس برسېرن ټپيان شوي دي.
د دغه بريد مسووليت تر اوسه چا پر غاړه نه دى اخيستى.
د يادونې ده، پرون د هلمند امنيتي چارواکو ويلي وو چې په مارجې ولسوالۍ کې يې د وسله والو طالبانو پر وړاندې عمليات پيل کړي دي.
هغوئ زياته کړې وه چې په دې عملياتو کې ١٤ طالبان وژل شوي او څلور نور ټپيان دي.
غړيYou need to subscribe to view the full article. Please login or register a new account.
