فراه (پژواک، ٣ مرغومى ٩٦): د قطري سوداګرو او د الغرافه خيريه موسسې شيخ علي بن عبدالله آل ثاني په مشرۍ دېرش قطري وګړي فراه ولايت ته د څو پراختيايي پروژو د پرانيستې لپاره راغلي دي.
د فراه والي د دفتر مشر حکمت الله نظري پژواک خبري اژانس ته وويل چې ياد شوي ٣٠ تنه پرون فراه ولايت ته رسېدلي دي.
د نوموړي په خبره، دغه پروژې چې ټاکل شوې ګټې اخيستنې ته وسپارل شي، د دې موسسې له لوري تمويل شوې دي.
نظري په دې اړه زيات جزئيات وړاندې نه کړل، خو د فراه د مدني ټولنو شبکې مشر بريالى غفاري وايي چې د ژوبڼ، د روږدو کلينيک، د کډوالو ښارګوټي کلينيک، د څو ښوونځيو د ودانيو، رنوې کرښې او د دغه ولايت د هوايي ډګر لپاره د ترمينال او اطفايې مرکز رغول هغه پروژې دي چې ټاکل شوې د قطري وګړو له لوري ګټه اخيستنې ته وسپارل شي.
يادې سرچينې د دې پروژو لګښت نه دى په ډاګه کړى.
د دغه مدني فعال په خبره، قطري شيخانو په وروستيو درېيو کلونو کې د فراه ښار جامع جومات او د دغه ولايت په مرکز او جوين ولسوالۍ کې ګڼ مسجدونه جوړ کړي دي.
په دغه ولايت کې يوې بلې سرچينې چې په راپور کې يې د نوم له يادولو ډډه کوله، وويل چې قطري عرب به په نږدې ورځو کې په دغه ولايت کې څو نورې پروژې هم داوطلبۍ ته وړاندې کړي.
غړيYou need to subscribe to view the full article. Please login or register a new account.
