منځپانګې ته تلل
دوشنبه ۱۶ نومبر ۲۰۲۶ · کابل ۷:۱۹ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

عطامحمد نور له تېرو څو ورځو د بلخ ولايت مقام ته راځي او ناستې ترسره کوي

· ۳ دقیقې لوستل · ۱۱۷ کتنې

مزارشريف (پژواک، ۱۱مرغومی۹۶): د بلخ ګوښه کړای شوی والي عطامحمد نور له تېرو څو ورځو  راهيسې د والي په توګه د بلخ ولايت مقام ته راځي او ناستې ترسره کوي.

خو د دغه ولايت مدني فعالان روان حالت ته اندېښمن دي.

پنځلس ورځې وړاندې د ولسمشرۍ ماڼې له خوا له ولايت مقام څخه د عطامحمد نور د استعفا د منظورۍ اعلاميه خپره او پر ځای يې انجنير محمد داوود د والي په توګه اعلان کړای شو.

 عطامحمد نور له ګوښه کېدو سره سم د ارګ پر وړاندې ودرېد او له ولايت مقام څخه د ګوښه کېدو فيصله يې ونه منله او نوي والي انجنير داوود هم په رسمي توګه خپله دنده نه ده پيل کړې.

نور، د يادې مسلې پر وړاندې په مزارشريف ښار کې له خپل سياسي دفتر څخه د جمهور رييس محمد اشرف غني او په ځانګړې توګه د حکومت د اجراييه رييس ډاکټر عبدالله عبدالله پر وړاندې څرګندونې کړې دي.

خو نوموړی له تېرو درې ورځو راهيسې يو ځل بيا د والي په توګه ولايت مقام ته راځي، له دولتي رييسانو سره ناستې کوي او عام خلک يې کتنې ته رابلل کېږي.

هغه اوس هم ټينګار کوي چې په رسمي توګه د بلخ والي دی.

عطامحمد نور وايي، هېڅوک حق نه لري چې په هغو دولتي پاڼو لاسليک وکړي چې والي پورې تړاو لري.

نوموړى دا حق د ځان ګڼي.

خو د بلخ ولايت مدني فعالان د روان حالت په اړه اندېښنه لري او د خبرو له لارې يې د حل غوښتنه کوي.

مدني فعاله سميرا خيرخواه وايي چې په بلخ کې له عادي خلکو نيولې تر دولتي چارواکو پورې روان حالت ته اندېښمن دي.

نوموړې زياته کړه ، د بلخ برخليک د اندېښنې وړ دی او دا وېره هم ورسره ده  چې له بدو حالاتو سره مخ نه شي.

هغې د يادې مسلې حل  د خبرو  لار  وګڼله.

همداراز مدني فعال عبدالله پژواک ته وويل  چې جمعيت ګوند بايد د روانو حالاتو د سمېدو لپاره له خپلو ځينو غوښتنو تېر شي.

خو هغه پر حکومت هم غږ وکړ چې له سياسي هوښيارتيا دې کار واخلي او مسله دې د خبرو له لارې حل کړي.

عبدالله له تېرو پنځلس ورځو د يو والي د ګوښه کېدو مسلې پر وړاندې د مرکزي ادارې چوپتيا له زغمه پورته وګڼله.

نوموړي زياته کړه چې په همداسې حالاتو کې پر دولت د خلکو باور زيانمنيږي.

بلخوا د جمعيت ګوند مرستيال وياند ذبيح الله فطرت ټينګار کوي چې حکومت بايد د جمعيت غوښتننو ته مثبت ځواب ورکړي.

نوموړي پژواک ته وويل،  حکومت نه شي کولی چې د ميليونونو خلکو د غوښتنې پر وړاندې غلی پاتې شي.

خو تر څنګ يې د سيمه ييزو ارګانونو ادارې ويلي چې ډېر ژر به انجنير داوود په رسمي توګه د بلخ د والي په  حيث خپلې چارې پيل کړي. 

غړي

You need to subscribe to view the full article. Please login or register a new account.

اړوند خبرونه

ټول دولت او سياست