پل علم (پژواک، د سلواغې لومړۍ نېټه ٩٦): د لوګر حکومتي چارواکي وايي چې په څرخ ولسوالۍ کې د افغان ځواکونو د عملياتو په ترڅ کې اته طالبان وژل شوي او شپږ نور ټپيان دي.
د لوګر د والي وياند سليم صالح د سلواغې په لومړۍ نېټه پژواک خبري اژانس ته وويل چې دوه ورځې مخکې په څرخ ولسوالۍ کې چاڼيز عمليات پيل شوي دي.
هغه وايي چې په دغو عملياتو کې ٨ وسله وال طالبان وژل شوي او شپږ نور ټپيان دي.
د صالح د معلوماتو له مخې، په دې عملياتو کې د طالبانو يو موټر، د ځانمرګو درې واسکټونه، يوه اندازه چاودېدونکي توکي، پوځي جامې او د هويت کارتونه د امنيتي ځواکونو لاس ته ورغلي دي.
نوموړى وويل چې په دې عملياتو کې عامو خلکو او امنيتي ځواکونو ته مرګ ژوبله نه ده اوښتې.
دغه راز د څرخ د پنګرام سيمې یوه اوسېدونکي سيد بلال پژواک ته وويل چې امنيتي ځواکونو په دې ولسوالۍ کې عمليات کړي دي.
هغه وايي: ((امنيتي ځواکونو اوس هم په سيمه کې دي، کور په کور يې تلاشي پيل کړې ده.))
سيد بلال د جګړې د مرګ ژوبلې په اړه معلومات نه درلودل.
وسله والو طالبانو تر اوسه په دې اړه څه نه دي ويلي.
څرخ د مرکز پل علم په ٢٨ کيلومترۍ کې پرته ولسوالي ده چې ډېرې سيمې يې له وسله والو طالبانو سره دي.
غړيYou need to subscribe to view the full article. Please login or register a new account.
