تالقان(پژواک،۱۱کب۹۶): د تخار ولايت چارواکي وايي چې وسله والو غلو ١٥٠ هغه مسافر چې له تخار څخه د کابل پرلور په څلورو موټرو کې سپاره وو، لوټلي دي .
د تخار د والي وياند سنت الله تېمور د کب په ١١مه پژواک اژانس ته وويل وسله والو غلو د هغو څلورو ٣٠٣موټرو مسافر چې له تخار څخه کابل ته روان وو، نن سهار لوټلي دي .
نوموړي زياته کړه چې وسله والو غلو ددغو کسانو موټر د رستاق ولسوالۍ د اوزن کوتل په سيمه کې درولي او د ټولو مسافرو پيسې، ټيلېفونونه او نور قېمتي توکي يې ترې وړي دي .
هغه وويل چې په دې اړه هڅې پيل شوې دي ترڅو ياد غله ونيول شي.
د رستاق ولسوالۍ يوه اوسېدونکي چې نه غواړي نوم يې خپور شي پژواک ته وويل چې وسله والو غلو نن سهار څلور نيمې بجې څلور مسافر وړونکي موټر درولي او د ټولو مسافرو پيسې او قېمتي توکي يې ترې وړي دي.
هغه زياته کړه چې په يوه موټر کې يې ورور هم و چې غلو ترې لس زره افغانۍ او ټيلېفون وړي دي.
دده په خبره چې په دې څلورو موټرو کې ١٥٠تنه مسافر سپاره وو.
غړيYou need to subscribe to view the full article. Please login or register a new account.
