د لوګر په ازره کې د یوه ښوونځي تښتول شوی امر خوشی شوی

پل علم (پژواک، ٢٠ کب ٩٦): د لوګر په ازرې ولسوالۍ کې د وسله والو طالبانو له لوري تښتول شوى د ښوونځي امر را خوشی شو.

د لوګر د پوهنې رياست وياند محمد شاپور عرب د کب په ٢٠مه پژواک خبري اژانس ته وويل چې شاوخوا يوه اوونۍ وړاندې وسله والو طالبانو د ازرې ولسوالۍ د منځني ښوونځي امر محسن الله تښتولى و.

هغه وايي چې تېره شپه ناوخته محسن الله د قومي مشرانو او ولايتي شورا د غړو په منځګړتوب را خوشى شو.

ده زياته کړه: ((محسن الله تېره شپه خپلې کورنۍ ته وسپارل شو او په خوشى کېدو کې يې هېڅ ډول معامله نه ده شوې.))

دغه راز د لوګر په ولايتي شورا کې د ازرې استازي عبدالولي وکيل پژواک ته وويل چې دوى طالبانو ته قومي جرګه ور وړې وه.

هغه وايي: ((له طالبانو سره کېناستو، خبرې مو ورسره وکړې او بالاخره يې امر صاحب محسن الله را خوشې کړ.))

وسله والو طالبانو تر اوسه په دې اړه څه نه دي ويلي.

د يادونې ده، ازره د لوګر تر ټولو نا امنه ولسوالۍ ده چې له تېرو ١٥ کلونو راهيسې لويه لار له مرکز پل علم سره تړل شوې ده.

غړي

You need to subscribe to view the full article. Please login or register a new account.